Ağstafada 26 partlamamış hərbi sursat tapılıb
Qurumun mütəxəssisləri ərazidə otlaq sahəsinə baxış keçiriblər. Aparılan təxirəsalınmaz operativ əməliyyat-axtarış tədbirləri nəticəsində 26 ədəd partlamamış hərbi sursat aşkarlanıb. Həmin sursat zərərsizləşdirilməsi üçün götürülərək agentliyin mərkəzi məhvetmə ərazisinə daşınıb. Mərmilərin aşkarlandığı ərazidə 1500 kvadratmetr əraziyə yerüstü baxış keçirilib, əlavə təhlükəli əşya və qurğu tapılmayıb.
Aprelin 4-də, həmçinin saat 13:57-də Daxili İşlər Nazirliyinin “102” Xidməti-Zəng mərkəzi sistemindən agentliyə Füzuli rayonunun Böyük Bəhmənli kəndində mərminin tapılması barədə məlumat daxil olub. Agentliyin mütəxəssisləri ərazidə bir evə və həyətyanı sahəyə baxış keçirib, 1200 kvadratmetr ərazini yoxlayıb, heç bir təhlükəli əşya və ya qurğu aşkarlamayıblar.
Yanvarın 1–dən aprelin 4-dək ANAMA tərəfindən 2432 partlamamış hərbi sursat, tank əleyhinə iki mina aşkarlanaraq zərərsizləşdirilib. Bu müddətdə 45 min 815 kvadratmetr ərazi yoxlanılıb.
AzVision.az