Bu barədə Massaçusets Texnologiya İnstitutunun (MIT) mətbuat xidməti məlumat yayıb. Hazırlanmış kapsul, sinir sisteminin istifadə etdiyi mədədəki xüsusi reseptorlara təsir edən mexaniki bir cihazdır. Reseptorların aktivləşməsi orqanizmi toxluğun başlanması barədə xəbərdar edən siqnallar zəncirini işə salır və insan orqanizmində bu hisslə əlaqəli hormonların istehsalına səbəb olur.

Bu reseptorlar artıq çəki ilə mübarizə aparmaq üçün kifayət qədər uzun müddətdir istifadə olunur, bunun üçün həkimlər həzm sisteminin içərisinə maye ilə doldurulmuş balonları yerləşdirirlər.

Kapsul toxluq hormonlarının erkən istehsalını təşviq edir və balon implantasiyasından sonra ilk 10-12 həftə ərzində istehlak edilən qida miqdarını azaldır. Sonradan sinir sistemi mədənin daim uzanmasına alışır, nəticədə terapiyanın effektivliyi azalır.

Tədqiqatçılar bu mülahizələri rəhbər tutaraq 3x1 sm ölçüdə kapsul yaradıblar, onun daxilində xüsusi vibrasiya mühərriki və enerji mənbəyi qurulub.
Bu həb mədənin divarlarına toxunduqda, reseptorlara elə təsir edən titrəmələr yaratmağa başlayır ki, sinir sistemi mədənin şişdiyinə və qida ilə dolu olduğuna inanmağa başlayır. Tədqiqatçılar bu kapsulları donuzlar üzərində sınaqdan keçiriblər.

Heyvanların davranışlarının uzunmüddətli müşahidələri göstərib ki, titrəyən kapsullar donuzlar tərəfindən yeyilən yeməyin tipik çəkisini 40% azaldıb və heç bir təhlükəli yan təsirə və ya heyvanların davranışında uzunmüddətli dəyişikliklərə səbəb olmayıb. Tədqiqatçılar ümid edirlər ki, bu qurğular insanlara da eyni şəkildə təsir edəcək.


AzVision.az