AzVision.az xəbər verir ki, bunu millət vəkili Sahib Alıyev deyib. O, fikrini belə davam etdirib:

“Sosial şəbəkənin Azərbaycan seqmentindəkilər, yəni bizlər nə qədər savadlı və hazırlıqlı olacağıqsa, burada dövlətimizin, xalqımızın maraqlarını nə dərəcədə peşəkarlıqla qoruyacaq, bu maraqdan çıxış edəcəyiksə, o dərəcədə səsimiz ucadan eşidiləcək.

Bunu niyə deyirəm bilirsinizmi? Fikir verirəm, son günlər Ermənistandakı Metsamor AES əleyhinə başladılan kampaniyaya böyük beynəlxaq reaksiya var. Aparılan bu kampaniya Metsamor AES-in bağlanmasıyla nəticələnəcəkmi? Yaxın perspektivdə çətin.

Ancaq biz bununla Ermənistandakı hərbi cinayətkar rejimi növbəti dəfə beynəlxalq aləmlə üz-üzə qoyur, onu təcrid və diligödək edirik. Onları məcbur edirik ki, Azərbaycanın əleyhinə yönəcəkenerjilərinin bir hissəsini məhz bu qəbildən olan məsələlərə sərf etsin. Düşməni hər yolla, hər fürsətdə qısnamaq, bərkə-boşa çəkmək, yormaq, həmişə müdafiə vəziyyətində saxlamaq. Hər bir savaşın, o sıradan da informasiya savaşının vazkeçilməz qanunlarıdır bu.

Ona görə də Metsamor AES-in əleyhinə aparılan kampaniyanı uğurlu informasiya həmləsi sayır, hər kimdilərsə onu başladanlara öz təşəkkürümü bildirirəm”.

AzVision.az