“ASAN Xidmət” İndoneziyada təqdim edildi - FOTOLAR
Qeyd olundu ki, Azərbaycan Respublikasının Prezidenti cənab İlham Əliyevin təşəbbüsü ilə yaradılmış, ölkəmizin mütəxəssislərinin hazırladığı proqram təminatı vasitəsilə müasir informasiya texnologiyalarının tətbiq olunduğu “ASAN Xidmət” mərkəzlərində vətəndaşlara dövlət və özəl təşkilatların 265-dən artıq xidməti təklif olunur.
Təqdimatda həmçinin, “ASAN Xidmət”in “İdeya bankı”, “ASAN İmza”,“ASAN Kadr”, “ASAN Radio”, “ASAN Məktub” və digər uğurlu layihə və fəaliyyət istiqamətləri barədə məlumat verildi və vurğulandı ki, “ASAN xidmət” ictimai xidmətlərin göstərilməsində qabaqcıl model kimi dünyada tanınır və bu sahəni keyfiyyətcə yeni səviyyəyə qaldırmaq istəyən ölkələr üçün ən yaxşı təcrübələrdən biridir. BMT Azərbaycanda yaradılmış “ASAN Xidmət”i sosial sahədə ölkənin nailiyyətlərindən biri hesab edərək, onu 2015-ci il Dövlət Xidmətləri Mükafatına layiq görüb.
Tədbir iştirakçıları “ASAN xidmət” sisteminin ölkələri üçün xüsusi maraq kəsb etdiyini bildirdilər və Azərbaycanın təcrübəsinin ölkələrində tətbiq olunması üçün yaxından öyrənilməsinin vacibliyini qeyd etdilər. Sonda bu sahədə təcrübə mübadiləsinin konkret istiqamətləri üzrə fikir mübadiləsi aparıldı.
AzVision.az