`Mirşahinin qanundan xəbəri yoxdur` - MTRŞ-dan etiraz
T. Məmmədov onu da qeyd edib ki, verilişlərdə “Reklam haqqında qanunun” tələbləri, “Televiziya və Radio Yayımı Haqqında qanunda” proqramlara verilmiş tələblər var ki, onlar da pozulub:
“Televiziya və Radio Yayımı haqqında”qanuna dəyişiklik olunub. 23.1-ci maddəyə əsasən Şura şəxsən özü lisenziyanı və ya hər hansı proqramın yayımını dayandıra bilər. Bundan başqa 2015-ci il sentyabr ayında Televiziya və Radio Şurası haqqında əsasnamənin 8.11-2-ci bəndinə əlavə edilib ki, həmin əsasnamənin bu bəndinə əsasən Şura qanunun və lisenziyanın tələbləri pozulduğu təqdirdə proqramı 1 ay müddətinə və ya lisenziyanı müvəqqəti dayandıra bilər”.
T. Məmmədov deyir ki, Şuranın qərarına görə həmin proqramların yayımı bir ay müddətinə dayandırılıb:
“Qanunvericilikdə də nəzərdə tutulub ki, əgər verilişlərin yayımı 1 ay müddətində dayandırılıbsa onlar öz siyasətində dəyişiklik etməlidir. Şuranın qərarında da göstərildiyi kimi bir ay müddətində efiri dayandırılmış verilişlərin vaxtında mədəni, maarif, intellektual xarakterli verilişlər yayımlanmalıdır”.
Aparat rəhbəri onu da qeyd edib ki, bir aylıq cəza müddəti bitdikdən sonra həmin verilişlər qanunun tələblərinə riayət edərsə yenidən yayımlana bilər.
Gültəkin ƏLƏSGƏR
Teqlər: