İran vətəndaşı Azərbaycana narkotik keçirmək istədi

İran vətəndaşı Azərbaycana narkotik keçirmək istədi
  04 Sentyabr 2014    Oxunub:1162
Azərbaycana gələn İran vətəndaşının əl çantasından narkotik vasitə və psixotrop maddə çıxıb.
Bu barədə AzVision.az-a Dövlət Gömrük Komitəsi (DGK) mətbuat xidmətindən verilən məlumatda bildirilir.

Astara Gömrük İdarəsinin sərnişin şöbəsində İran İslam Respublikasından piyada yolla Azərbaycan Respublikasına gələn İran vətəndaşı Şahin Məhəmmədinin əl çantasına gömrük baxışı zamanı oradan təsiredici maddəsinin ümumi miqdarı 0,11 qram təşkil edən metadon və təsiredici maddəsinin ümumi miqdarı 0,013 qram təşkil edən 2 ədəd konvalyutda "Clonazepam 1 mq" adlı dərman preparatı aşkar edilib.

Qeyd edək ki, metadon Azərbaycan Respublikası ərazisində dövriyyəsi məhdudlaşdırılan narkotik vasitə, "Clonazepam 1 mq" adlı dərman preparatı isə Azərbaycan Respublikası ərazisində dövriyyəsinə nəzarət edilən psixotrop maddədir.


Teqlər:





Xəbər lenti


Azvision.az ©2014 | Bütün hüquqları qorunur