Bu dəfə deputat ağacları kəsdirdi - FOTOLAR

Bu dəfə deputat ağacları kəsdirdi - FOTOLAR
  22 Avqust 2014    Oxunub:8434
Sumqayıt sakinləri səhəri kəsilmiş ağac mənzərəsi ilə açıb. Belə ki, şəhərin 18 saylı orta məktəbin qarşısında yerləşən çoxillik yaşıl ağaclar kəsilib.
Bu barədə AzVision.az-a məktəbə yaxın ərazidə yaşayan sakinlərdən xəbər daxil olub.

Kəsik izlərindən ağacın güclü külək nəticəsində deyil, xüsusi avadanlıqlarla kəsildiyi görünür. Hazırda 18 saylı orta məktəbdə əsaslı təmir işləri gedir. Lakin sakinlərin bildirdiyinə görə, bu ağac təmir işlərinə mane olmayıb.

Qeyd edək ki, Sumqayıt şəhərində yerləşən 18 saylı orta məktəbə Milli Məclisin deputatı Leyla Abdullayeva rəhbərlik edir.

Xatırladaq ki, bir neçə gün öncə Nəsimi rayonu ərazisində ağac kəsilmişdi. Bu hadisəyə Heydər Əliyev Fondunun prezidenti Mehriban Əliyevanın reaksiya verdikdən sonra, Ekologiya və Təbii Sərvətlər Nazirliyi tərəfindən həmin şəxslər cəzalandırıldı.

AzVision.az hadisə yerinən çəkilən fotoları sizə təqdim edir.

* * *

P.S. Xəbərin dərcindən sonra millət vəkilinin köməkçisi Pərvin Rəhimov AzVision.az ilə əlaqə saxlayaraq bildirib ki, həmin ağacların kəsilməsi üçün həm Ekologiya və Təbii Sərvətlər Nazirliyindən, həm də Nazirlər Kabinetindən icazə alınıb.

Eldar Tanrıverdiyev

Qalereya




Teqlər:  





Xəbər lenti