96 müəllim iş yerini dəyişdi

  28 İyun 2014    Oxunub : 283
96 müəllim iş yerini dəyişdi
Müəllimlərin yerdəyişməsi üzrə müsabiqə başa çatıb.
AzVision.az xəbər verir ki, Təhsil Nazirliyinin “Ümumi təhsil müəssisələrinə və peşə liseylərinə müəllimlərin işə qəbulunun tənzimlənməsi barədə” 21 aprel 2014-cü il tarixli, 445 nömrəli əmri ilə təsdiq olunmuş Qaydalara müvafiq olaraq hazırda işləyən müəllimlərin bir rayondan (şəhərdən) digər rayona (şəhərə) yerdəyişməsi mərkəzləşdirilmiş qaydada müsabiqə yolu ilə həyata keçirilib.

2014-cü ilin may ayında yerlərdən daxil olmuş vakansiyalar Təhsil Nazirliyində təhlil olunub və elan edilib. 1-10 iyun tarixlərində elektron ərizələrin qəbulu aparılıb, ərizəsi təsdiq edilmiş 771 nəfər müəllim yerdəyişmə üzrə müsabiqəyə buraxılıb.

17-23 iyun 2014-cü il tarixlərində keçirilmiş müsabiqənin 1-ci mərhələsində test tapşırıqlarının yerinə yetirilməsinin nəticəsi olaraq ən yüksək bal toplamış namizədlərdən 140 nəfəri 2-ci mərhələyə-müsahibəyə buraxılıb. Müəllimlərin yerdəyişməsi üzrə müsabiqənin yekun nəticəsinə əsasən 96 nəfər iş yerini dəyişmək hüququ qazanıb.

Fənlər üzrə nəticələr belə olub: Tarix müəllimi-20 nəfər; İbtidai sinif müəllimi-16 nəfər; Azərbaycan dili və ədəbiyyat müəllimi-11 nəfər; Coğrafiya müəllimi-10 nəfər; Biologiya müəllimi-10 nəfər; Fizika müəllimi-9 nəfər; Riyaziyyat müəllimi-7 nəfər; İngilis dili müəllimi-6 nəfər; Kimya müəllimi-2 nəfər; Musiqi müəllimi-2 nəfər; İnformatika müəllimi-1 nəfər; Rus dili müəllimi-1 nəfər; Fiziki tərbiyə müəllimi-1 nəfər.

İş yerini dəyişən 96 müəllimin şəhərlər (rayonlar) üzrə seçimi belə olub: Bakı şəhərini 40 nəfər; Gəncə şəhərini 4 nəfər; Şirvan şəhərini 1 nəfər; Abşeron rayonunu 5 nəfər; Goranboy, HacıqabulTovuz rayonlarının hər birini 4 nəfər; İsmayıllıOğuz rayonlarının hər birini 3 nəfər; Ağdam, Bərdə, İmişliŞəmkir rayonlarının hər birini 2 nəfər; Ağdaş, Ağstafa, Biləsuvar, Cəbrayıl, Cəlilabad, Füzuli, Göyçay, Göygöl, Laçın, Lənkəran, Masallı, Qəbələ, Qobustan, Quba, Sabirabad, Tərtər, Xaçmaz, Xızı, YardımlıYevlax rayonlarının hər birini isə 1 nəfər seçərək yerini dəyişib

Sevinc İltifatqızı

Teqlər: