Bu barədə AzVision.az-a Gəncə şəhər İcra Hakimiyyətindən məlumat verilib.
Bildirilib ki, leysan yağışla müşayiət olunan qasırğa şəhərin mərkəzi küçələrində yüzlərlə qədim ağacları aşırıb, 700-dən çox evin dam örtüyünə zərər yetirib, şəhərin elektrik və qaz təchizatında problemlər yaranıb. Çox sayda dayanacaq və işiq dirəkləri yaraşıq hala düşüb. Hadisə nəticəsində xəsarət alan şəxslər Gəncə şəhərinin Təcili Tibbi Yardım Xəstəxanasına yerləşdirilib. İnsan təlafatı yoxdur.
Məlumata görə, gecə yarısına qədər şəhərin əksər hissəsində enerjinin verilişi dayandırılıb. Gecə 01:30 radələrindən sonra enerjinin verilişi və avtomobillərin hərəkəti bərpa olunub. Gəncə şəhər İcra Hakimiyyəti və digər aidiyyəti qurumlar tərəfindən səhərə qədər qasırğanın fəsadlarının aradan qaldırılması istiqamətində tədbirlər görülüb. Hal-hazırda da bu fəaliyyət davam etdirilməkdədir.
Bununla əlaqədar İcra Hakimiyyətində 700 müraciət daxil olunub. 3 gün ərzində hər bir saatdan bir vətəndaşların qəbulu keçiriləcək. Xüsusi komissiya tərəfindən bütün faktlar araşdırılacaq və vətəndaşlara yardım göstəriləcək.
Sevinc İltifatqızı