Bununla bağlı "Hraparak" yazıb: “Robert Koçaryan və onun ailəsinin adı ilə bağlı olan media orqanlarında ixtisarlar olub. 2023-cü il həmkarlarımız üçün yaxşı başlamayıb. Öyrəndik ki, bu maliyyə problemləri xüsusən də "Yerevan Today" xəbər saytının əməkdaşlarına təsir edib". Qeyd edilir ki, rəhbərlik kollektivə fevralın 1-dən minimum ştatla işləyəcəklərini bildirib.

Koçaryan çirkli pulları ABŞ-a daşıyıb - Yeni malikanələr aşkarlandı

Həmçinin, maliyyə problemlərinə görə digər KİV-lərdə də ixtisarlar olacaq. Proses həm də siyasi kontekstdə baş verir. Çünki Robert Koçaryan komanda ilə soncu görüşü zamanı diqqət çəkən fikirlər səsləndirib. Nəşr yazır ki, hərbi cani siyasi arenada aktiv şəkildə görünməmək, passivləşmək qərarına gəldiyini açıqlayıb. Buna səbəb isə sağdan, soldan hər kəsin onu meydanı zəbt etməkdə günahlandırmasıdır. Yəni guya siyasi qüvvələr ona iradlar bildirirlər ki, Koçaryan ortada olmaqla yeni müxalifətin formalaşmasına imkan vermir.

Eks-prezident hətta media komandasına onu da deyib ki, “Siz bundan sonra ayrıca öz fəaliyyətinizi də təşkil edə bilərsiniz”.

Tural Tağıyev
AzVision.az