AzVision.az Kanal S-ə istinadən bildirir ki, yanğın hadisəsi İsmayıllının Xəleyi meşəsində qeydə alınıb. Dağlıq ərazidə başlayan yanğın qısa müddət ərzində genişlənib. Yanğının qarşısını almaq məqsədilə əraziyə Fövqəladə Hallar Nazirliyinin İsmayıllı Yanğından Mühafizə Hissəsinin texnika və canlı qüvvəsi cəlb olunub. Yanğınla mübarizə indiki saatlarda da davam edir. Yanğının hansı səbəbdən baş verməsi isə hələlik məlum deyil.