Milli Qəhrəman Sadıq Hüseynovun xatirəsi anılıb

  13 Aprel 2021    Oxunub : 1472
Milli Qəhrəman Sadıq Hüseynovun xatirəsi anılıb
Birinci Qarabağ müharibəsi zamanı torpaqlarımızın müdafiəsi uğrunda gedən döyüşlərdə iştirak etmiş, Şuşa şəhərini düşməndən qoruyarkən şəhidlik zirvəsinə ucalmış Azərbaycanın Milli Qəhrəmanı Sadıq Hüseynovun anım günüdür.
Daxili İşlər Nazirliyinin mətbuat xidmətindən Azvision.az -a bildirilib ki, bu münasibətlə Ağcabədi Rayon Polis Şöbəsinin şəxsi heyəti Sadıq Hüseynovun adını daşıyan Xocavənd kənd tam orta məktəbində olub, qəhrəmanımızın büstü önünə gül-çiçək dəstələri qoyub. Şəhidlərimizin əziz xatirəsi bir dəqiqəlik sükutla yad edilib.

Qeyd olunub ki, S.Hüseynov 1989-cu ildə polis əməkdaşı kimi xidmətə başlayıb. Şuşa şəhərində sahə müvəkkili vəzifəsində çalışıb. Şuşa uğrunda gedən döyüşlərdə digər silahdaşları kimi şəhərin müdafiəsində dayanıb. Bir neçə dəfə yaralanmasına baxmayaraq döyüş meydanını tərk etməyib, 1992-ci il aprelin 13-də gedən ağır döyüşlərdə şəhidlik zirvəsinə ucalıb.

Ölümündən sonra “Azərbaycanın Milli Qəhrəmanı” fəxri adına layiq görülüb.

Azvision.az

Teqlər: Milli-Qəhrəman