SOCAR-ın fəaliyyətinin nəticələrinin diaqnostikası aparılacaq

 SOCAR-ın fəaliyyətinin nəticələrinin diaqnostikası aparılacaq
  23 Yanvar 2021    Oxunub:993
Azərbaycan İnvestisiya Holdinqinə beynəlxalq məsləhətçi şirkət cəlb etməklə, SOCAR-ın mövcud müqavilə öhdəliklərinə riayət olunması şərti ilə onun hüquq, maliyyə, vergi və kommersiya sahələrində fəaliyyətinin nəticələrinin diaqnostikasının aparılmasını altı ay müddətində təmin edib nəticəsi barədə Azərbaycan Respublikasının Prezidentinə məlumat vermək tapşırılıb.
Azvision.az xəbər verir ki, bu, Prezident İlham Əliyevin bu gün imzaladığı "Azərbaycan Respublikası Dövlət Neft Şirkətinin idarə edilməsinin təkmilləşdirilməsinə dair tədbirlər haqqında" fərmanda əksini tapıb.

Azərbaycan İnvestisiya Holdinqi diaqnostika başa çatdıqdan sonra onun nəticəsindən asılı olaraq SOCAR-ın yeni nizamnaməsinin və strukturunun layihəsini iki ay müddətində hazırlayıb razılaşdırılmaq üçün Azərbaycan Respublikasının Prezidentinə təqdim etməlidir.

Azvision.az


Teqlər: Prezident   İlham-Əliyev   SOCAR  





Xəbər lenti