Erməni təxribatlarına TÜRKPA-dan reaksiya

Erməni təxribatlarına TÜRKPA-dan reaksiya
  29 Sentyabr 2020    Oxunub:2163
TÜRKPA-nın Baş katibi Altınbek Mamayusupov Azərbaycan Respublikasının Dağlıq Qarabağ bölgəsində hərbi gərginlikdən narahatlığını ifadə edərək, çoxsaylı itkilərlə nəticələnən Azərbaycanın yaşayış məntəqələrinin Ermənistan silahlı qüvvələri tərəfindən atəşə tutulmasını qınayır.
Azvision.az xəbər verir ki, bu fikir TÜRKPA Baş katibinin Dağlıq Qarabağ bölgəsindəki hərbi gərginliklə bağlı bəyanatında yer alıb.

Baş katib bildirir ki, Parlament Assambleyası öz bəyannamələrində (2015-ci il Astana, 2017-ci il Ala-Arça, 2018-ci il İzmir və 2019-cu il Bakı bəyannamələri) də əks olunduğu kimi, Ermənistan-Azərbaycan Dağlıq Qarabağ münaqişəsinin Azərbaycan Respublikasının suverenliyi, ərazi bütövlüyü və beynəlxalq səviyyədə tanınmış sərhədlərinin toxunulmazlığı əsasında qısa zamanda həllini qətiyyətli şəkildə dəstəkləyir.

Eyni zamanda, Baş katib Ermənistan-Azərbaycan Dağlıq Qarabağ münaqişəsinin sülh yolu ilə həllinə və ATƏT-in Minsk Qrupu tərəfindən dəstəklənən danışıqlar prosesinə xələl gətirəcək hər hansı təhrikedici bəyanat və addımların qəbuledilməzliyini vurğulayır.

Baş katib mülki şəxslərin həyatlarını itirməsi ilə bağlı Azərbaycan xalqına dərin hüznlə başsağlığını bildirir və yaralananlara şəfa diləyir.

Azvision.az


Teqlər: TÜRKPA   Qarabağ  





Xəbər lenti