Kimdir qadın? Cəmiyyətdə nədir onun rolu? Bacarıqlı ev xanımı, xeyirxah həyat yoldaşı, qayğıkeş ana, sevimli qadın, özünə inanan, güclü iş adamı... və s. Bu siyahını uzatmaq olar. Ətrafımızda daha çox qadınların həkim, müəllim, katibə olmasına gözümüz alışıb. Amma elə xanımlarımız var ki, onlar yüksək instansiyalarda yer tutub, cəmiyyətdə söz sahibidirlər. Bunlar arasında insanların həyatını həll edən, hökm çıxaran hakim qadınlarımız da var.

AzVision.az saytı sözü qılıncdan kəsərli olan qadın hakimlərlə bağlı kiçik araşdırma apararaq onlar haqda bilmədiyimiz məlumatları toplayıb . Başlayaq ilk olaraq Konstitusiya Məhkəməsindən...

Azərbaycanın xanım hakimlərini yaxından tanıyaq

Sabiq ədliyyə naziri, indi hakim

Sabiq ədliyyə naziri Südabə Həsənova 1947-ci ildə Naxçıvan MR-nin Şərur rayonunda anadan olub. 1971-ci ildə Azərbaycan Dövlət Universitetinin hüquq fakultəsini bitirib. 1973-cü ildən Bakı şəhər Kirov (indiki Binəqədi) rayon məhkəməsinin hakimi seçilib və 1979-cu ilə qədər həmin vəzifədə işləyib.

S.Həsənova 1987-ci ilin aprel ayında Azərbaycan Respublikası Ədliyyə Nazirinin 1-ci müavini vəzifəsinə təyin olunub. 1990-cı ildə qiyabi olaraq Bakı Ali partiya məktəbini bitirib.

1995-1998-ci illərdə Ədliyyə Naziri vəzifəsini icra edib. 1998-ci il 10 yanvar tarixdə Azərbaycan Respublikasının Ədliyyə Naziri təyin edilib. 1998-ci ilin dekabr ayından Prezident yanında Məhkəmə-Hüquq Şurasının sədri olub. Azərbaycan Respublikasının Konstitusiya layihəsini hazırlayan Dövlət komissiyasının və onun işçi qrupunun , hüquq islahat komissiyasının, əfv, təhsil, səhiyyə, korrupsiyaya qarşı mübarizə və digər dövlət komissiyalarının üzvü olub.

Prezidentin 2000-ci il 18 aprel tarixli fərmanı ilə AAli Məhkəmənin sədri təyin edilib. 2005-ci ilin 19 aprelindən sədr vəzifəsindən azad edilib Ali Məhkəmənin hakimi saxlanılıb.

Milli Məclisin 23 dekabr 2005-ci il tarixli qərarı ilə Konstitusiya Məhkəməsinin hakimi təyin edilib. Prezidentin Fərmanları ilə 1995-ci ildə III dərəcə, 1998-ci ildə isə II dərəcəli Dövlət ədliyyə

Prezidentin 5 fevral 2007-ci il tarixli sərəncamı ilə ədliyyə və məhkəmə hakimiyyəti orqanlarında səmərəli fəaliyyətinə görə «Şöhrət» ordeni ilə təltif edilib.

Konsitutsiya Məhkəməsinin 58 yaşlı hakimi

Sona Salmanova - 12 may 1956-ci ildə Ermənistan Respublikasının Spitak rayonunda anadan olub. 1979-cu ildə Azərbaycan Dövlət Universitetinin (indiki BDU) hüquq fakültəsini, 1984-cü ildə Moskva şəhərində hakimlərin ixtisasını təkmilləşdirilmə kurslarını bitirib, 1988-ci ildə SSRİ Ali Məhkəməsində təcrübə keçib. 1979-cu ildən 1980-ci ilədək Bakı şəhər Məhkəməsində məhkəmə iclas katibi, 1980-ci ildən 1983-cü ilin iyul ayına qədər Azərbaycan Respublikası Ali Məhkəməsi Plenumunun katibi, Ali Məhkəmə Rəyasət Heyəti və Plenumu katibliyinin müdiri olub. 1983-1998-ci illərdə Azərbaycan Respublikası Ali Məhkəməsinin hakimi vəzifəsində işləyib.

14 iyul 1998-ci ildə Azərbaycan Respublikası Milli Məclisinin qərarı ilə Azərbaycan Respublikası Konstitusiya Məhkəməsinin hakimi vəzifəsinə təyin olunub.

Prezidentin 16 dekabr 2005-ci il tarixli sərəncamı ilə Konstitusiya Məhkəməsinin sədr müavini təyin edilib.

Prezidentin 17 avqust 2006-cı il tarixli sərəncamı ilə məhkəmə hakimiyyəti orqanlarında uzun müddət işlədiyinə və hakim vəzifələrini nümunəvi yerinə yetirdiyinə görə «Əməkdar hüquqşünas» adı verilib.

Bakı Ağır Cinayətlər Məhkəməsinin xanım hakimləri kimlərdir?

Allahverdiya Ramella – 1950-ci ildə doğulub, 1978-ci ildə Azərbaycan Dövlət Universitetinin hüquq fakültəsini bitirib. 1972-1979-cu illərdə DQMV Məhkəməsində dəftərxana müdiri, 1979-1982-ci illərdə DQMV Məhkəməsin üzvü, 1982-1990-cı illərdə Şuşa Rayon Məhkəməsinin üzvü, 1990-2000 Ali Məhkəmənin üzvü, 2000-2007-ci illərdə Respublika Apellyasiya Məhkəməsinin hakimi, 2007-2011-ci illərdə Ağır Cinayətlərə dair İşlər üzrə Azərbaycan Respublikasının Məhkəməsinin hakimi olub. 2011-ci ildən bugünə qədər Bakı Ağır Cinayətlər Məhkəməsinin hakimi vəzifəsində işləyir.

Həsənzadə İradə - 1958-ci ildə anadan olub. 1980-ci ildə Azərbaycan Dövlət Universitetinin hüquq fakültəsini bitirib. 1980-1982-ci illərdə Ədliyyə Nazirliyi yanında Notariat və VVA İdarəsində məsləhətçi, 1982-1987-ci illərdə Ədliyyə Nazirliyi Hüquq təbliğatı və vətəndaşların hüquqi tərbiyəsi şöbəsinin məsləhətçisi, 1987-1989-cu illərdə Ədliyəə Nazirliyində Ali Məhkəmə və Prokurorluğun Sosialist qanunculuğu bülleteninin böyük redaktoru, 1989-1994-cü illərdə Ədliyyə Nazirliyi MOİ-də böyük məsləhətçi, 1994-1195-ci illərdə AR Prezidenti Aparatı Dövlət hüquq şöbəsinin böyük məsləhətçisi, 1995-1998-ci illərdə AR Prezidentinin İcra Aparatı bağışlama məsələləri sektorunun müdiri, 1998-2000-ci illərdə AR Prezidentinin İcra Aparatı Hüquq-mühafizə orqanları ilə iş şöbəsinin əfv məsələləri sektorunun müdiri, 2000-2007-ci illərdə Bakı Şəhəri Xətai Rayon Məhkəməsinin sədri, 2007-2008-ci llərdə Bakı Şəhəri Nizami Rayon Məhkəməsinin hakimi, 2008-2010-cu illərdə Ağır Cinayətlərə dair İşlər üzrə Məhkəmənin hakimi olub.

2011-ci ildən bugünə qədər Bakı Ağır Cinayətlər Məhkəməsinin hakimidir.

Məmmədova Şəkər – 1954-cü ildə anadan olub. Azərbaycan Dövlət Universitetinin hüquq fakültəsini bitirib. 1980-1981-ci ildən Qubadlı Rayon Aqrar İstehsalat birliyində hüquq məsləhətçisi, 1982-1990-cı ildən Qubadlı Rayon Məhkəməsinin hakimi, 1990-2000-cı illərdə Füzuli Rayon Məhkəməsinin hakimi, 2000-2007-ci illərdə Saatlı Rayon Məhkəməsinn hakimi, 2007-2011-ci illərdə Ağır Cinayətlərə dair İşlər üzrə Məhkəmənin hakimi olub. 2011-ci ildən Bakı Ağır Cinayətlər Məhkəməsinin hakimidir.

Nəsrullayeva Tamilla- 1953-cü ildə doğulub, Azərbaycan Dövlət Universitetinin hüquq fakültəsini bitirib. 1987-2000-ci illərdə Bakı Şəhər Kirov (indi Binəqədi) Rayon Məhkəməsinin sədri, 2000-2007-ci illərdə Bakı Şəhər Nizami Rayon Məhkəməsinin sədri, 2007-2011-ci illərdə Ağır Cinayətlərə dair İşlər üzrə Məhkəmənin hakimi olub. 2011-ci ildən Bakı Ağır Cinayətlər Məhkəməsinin hakimidir.

Bakı Apellyasiya Məhkəməsinin xanım hakimləri

Abdullayeva Aygün – 1967-ci ildə anadan olub, 1997-ci ildə Bakı Dövlət Universitetnin hüquq fakültəsini bitirib. 2000-2007-ci illərdə Bakı şəhəri Nizami rayon məhkəməsinin hakimi, 2007-2008-ci illərdə Nəsimi rayon məhkəməsinin hakimi, 2008-ci ildən bugünədək isə Bakı Apellyasiya Məhkəməsinin hakimi işləyir. Ailəlidir, 2 övladı var.

Bağırova Mədinə - 1960-cı ildə doğulub, 1985-ci ildə Azərbaycan Dövlət Universitetinin hüquq fakültəsini bitirib. 2000-2007-ci illərdə Bakı şəhəri Binəqədi rayon məhkəməsində hakim, 2007-2008-də Ağır cinayətlərə dair işlər üzrə Azərbaycan Respublikasının məhkəməsinin hakimi olub. 20008-ci ildən indiyədək Bakı Apellyasiya Məhkəməsinin hakimidir. Ailəlidir, bir övladı var.

Məhərrəmova Xuraman - 1954-cü ildə doğulub, 1981-ci ildə Azərbaycan Dövlət Universtetinin hüquq fakültəsini bitirib, 1974-1982-ci illərdə Azərbaycan SSR Ali Məhkəməsində məhkəmə iclas kaibi, 1982-1985-ci illərdə illərdə Azərbaycan SSR Ali Məhkəməsində dəftərxananın ekspediya müdiri, 1985-1998-ci illərdə Ali Məhkəmədə Plenum və Prezidium katibliyinin baş məsləhətçisi, 1989-2000-ci illərdə Ali Məhkəmədə Ali Məhkəmədə Məhkəmə təcrübəsinin ümumiləşdirilməsi və qanunvericiliyin təbliğatı şöbəsinin rəisi, 2000-2007-ci illərdə Bakı Şəhəri Qaradağ Məhkəməsində, 2007-2010-cu illərdə Bakı Şəhəri Nəsimi Rayon Məhkəməsində hakim işləyib. 2010-cu ildən Bakı Apellyasiya Məhkəməsinin hakimidir.

Səfiyeva Cəmilə - 1960-cı ildə anadan olub. 1988-ci ildə Azərbaycan Dövlət Universitetinin hüquq fakültəsini bitirib. 2000-2007-ci illərdə Sumqayıt şəhər məhkəməsində, 2007-2008-ci illərdə Bakı şəhəri Sabunçu rayon məhkəməsində hakim işləyib. 2008-ci ildən Bakı Apellyasiya Məhkəməsinin hakimi işləyir. Ailəlidir, 2 övladı var.

Azərbaycanın ən gənc hakimi

Abiyeva Kəmalə - 1979-cu ildə anadan olub. 2000-ci ildə Bakı Dövlət Universitetinin hüquq fakültəsinin bakalavr pilləsini, 2002-ci ildə magistratura pilləsini bitirib. 200-2006-cı ildə İqtisad Məhkəməsində məhkəmə iclas katibi, 2006-2008-ci ildə Ali Məhkəmədə məsləhətçi, məhkəmə iclas katibi, 2008-2011-ci illərdə Ali Məhkəmədə hakim köməkçisi, 2011-2013-cü illərdə 2 saylı Bakı İnzibati-İqtisadi Məhkəməsinin hakimi olub. 2013-cü ildən indiyədək Bakı Apellyasiya Məhkəməsinin hakimi işləyir.

Nağıyeva Elmira – 1962-ci ildə adan olub, 1988-ci ildə Azərbaycan Dövlət Universitetinin hüquq fakültəsini bitirib. 1989-1992-ci ildə Dövlət Arbitrajında böyük məsləhətçi, baş məsləhətçi, 1992-1993-cü ildə Məhkəmə təcrübəsinin ümumiləşdirilməi şöbəsində baş mütəxəssis, 1993-2000-ci illərdə Ali Arbitraj Məhkəməsində hakim, 2000-2007-ci illərdə Respublika İqtiadi Məhkəməsinin hakimi, 2007-ci ildən bu günə qədər isə Bakı Apellyasiya Məhkəməsinin hakimi işləyir.

Seyidova Səriyyə - 1950-ci ildə anadan olub. 1978-ci ildə Azərbaycan Dövlət Universitetinin hüquq fakültəsini bitirib. 1978-1990-cı illərə Azərbaycan SSR Ədliyyə Nazirliyi nəzdində ETMEİ-də elmi işçi, ekspert, baş ekspert, 1990-1193-cü illərdə Respublika Vəkillət Kollegiyasının üzvü, 6 saylı Hüquq Məsləhətxanasında vəkil, 1993-2000-ci illərdə Respublika İqtisadi Məhkəməsi Plenum katibliyinin müdiri, 2000-2007-ci illərdə Respublika İqtisad Məhkəməsinin hakimi olub. 2007-ci ildən Bakı Apellyasiya Məhkəməsinin hakimidir.

Vəliyeva Elşanə - 1975-ci ildə anadan olub, 1996-cı ildə Bakı Dövlət Universitetinin hüquq fakültəsini bitirib. 1992-1993-cü illərdə Ali Arbitraj Məhkəməsində 2-ci dərəcəli mütəxəssis, 1993-1998-ci illətdə Arbitraj Məhkəməsində Arbitraj təcrübəsinin ümumiləşdirilməsi və təlimatlandırılması şöbəsində məsləhətçi, 1998-2000-ci illərdə Respublika İqtisadi Məhkəməsində təcrübəsinin ümumiləşdirilməsi və təlimatlandırılması şöbəsində baş mütəxəssis, 2000-2007-ci illərdə Respublika İqtisad Məhkəməsində məsləhətçi – iclas katibi, 2007-2010-cu illərdə Bakı Şəhəri Nərimanov Rayon Məhkəməsində hakim işləyib. 2010-cu ildən indiyə qədər Bakı Apellyasiya Məhkəmədində hakim işləyir.

Makinaçı-katibəlikdən hakimliyə..

Bağırova Mədinə - 1960-cı ildə doğulub. 1985-ci ildə Azərbaycan Dövlət Universtetinin hüquq fakültəsini bitirib, 1985-ci ildə Bakı şəhəri 2 saylı Dövlət Notariat Kontorunda iş icraçısı, 1985-1986-cı illərdə Azərbaycan SSR Ədliyyə Nazirliyi yanında Notariat və VVA İdarəsində makinaçı–katibə, 1986-1987-ci illərdə Azərbaycan SSR Ədliyyə Nazirliyi Xalq təsərrüfatında hüquqi iş və vəkillik idarəsində məsləhətçi, 1987-ci ildə Bakı şəhəri 26 Bakı komissarı SSRİ (indi Səbael) Rayon Məhkəməsində stajçı, 1987-1988-ci illər arasında Azərbaycan SSR Ədliyyə Nazirliyinin Birinci şöbəsində məsləhətçi, 1988-1990-da Bakı Şəhər Məhkəməsinin Nəzarət şöbəsində məsləhətçi, 1990-2000-ci illərdə Bakı Şəhər Məhkəməsinin Nəzarət şöbəsində baş məsləhətçi, 2000-2007-ci illərdə Bakı Şəhəri Binəqədi Rayon Məhkəməsinin hakimi, 2007-2008-ci illərdə Ağır Cinayətlərə dair İşlər üzrə Azərbaycan Respublikası Məhkəməsinin hakimi olub. 2008-ci ildən Bakı Apellyasiya Məhkəməsinin hakimidir.

Sevinc İltifatqızı