“Son həftələrdə hər gün yoluxanların sayı sağalanların sayından aşağı olur. Həyatını itirən xəstələrin də sayı azalır. Bu, həkimlərin səyi nəticəsində olur. Xəstə sayı artdıqca, verilən xidmətin keyfiyyəti aşağı düşə bilər. Yumşalmalara gedilir. Bizə irad bildirirlər ki, insanları qorxuduruq və payız-qış mövsümünə gedirik. Lakin biz bunları deməliyik. Bütün dünya bu dövrdə yoluxmaların sayının artmasına hazırlaşır və biz də bunu edirik. Biz açılışa gedirik. Qapalı yerlərdə insanlara xidmət göstərən sahələr açılır”.

Y.Qarayeva bildirib ki, burada insanların üzərinə məsuliyyət düşür: “Çalışaq eyni yerdə, eyni istiqamətdə toplaşmayaq. Fikizi məsafəni qorumağa çalışaq. Hər birimiz karantin rejimindən yorulmuşuq və öz yaxınlarımızı görmək istəyirik. Təcrübə göstərir ki, yaxın insanların bir yerə toplaşması nəticəsində ailədaxili yoluxma olub. Qarşıdakı dövrdə müraciətimiz odur ki, mərhələ-mərhələ yumşalmaya gedək, başqa yumşalmalar olsun. Lakin qaydalara əməl etməliyik. Əməl etməsək, yoluxma artacaq. Yoluxmaların artmasını həkimlər və tibb işçiləri istəmir. Çünki onlar belə rejimdə çalışmaqdan həm mənəvi, həm də fiziki olaraq yorulublar”.

Aytən Zəhra
Azvision.az