“Biz bu vəziyyətdən az itkilərlə çıxırıq” - İlham Əliyev

  “Biz bu vəziyyətdən az itkilərlə çıxırıq” -   İlham Əliyev
  06 Avqust 2020    Oxunub:3368
“Koronavirusa qarşı mübarizə işində müsbət dinamika müşahidə olunur. İyulun 16-dan bu günə qədər bu müsbət dinamika deməyə əsas verir ki, görülmüş bütün tədbirlər vaxtında görülmüş tədbirlərdir. Bu tədbirlər nəticəsində vəziyyət bu günə qədər nəzarət altındadır”.
Azvision.az xəbər verir ki, bunu Prezident İlham Əliyev ölkəmizdə koronavirus pandemiyası ilə mübarizə sahəsində görülən tədbirlər və sosial-iqtisadi vəziyyətlə bağlı videoformatda keçirilən müşavirədə deyib.

Prezident bildirib ki, iyulun 16-dan bu günə qədər yoluxanların sayı sağalanların sayından xeyli aşağıdır:

“Bu müsbət dinamika deməyə əsas verir ki, biz koronavirus xəstəliyini bundan sonra da nəzarət altında saxlayacağıq. Artıq üç həftədir ki, bu müsbət dinamika, əlbəttə, bizi çox sevindirir. Prinsip etibarilə ilk günlərdən, bu xəstəlik meydana çıxandan dərhal sonra bütün lazımi qabaqlayıcı tədbirlər görüldü. Bunun nəticəsində biz bu vəziyyətdən az itkilərlə çıxırıq”.

Azvision.az


Teqlər: Prezident   İlham-Əliyev  





Xəbər lenti