Qubalıları fəlakətdən “qoruyan” inanc yeri - FOTOREPORTAJ

  09 İyun 2020    Oxunub : 23441
 Qubalıları fəlakətdən “qoruyan” inanc yeri -  FOTOREPORTAJ
İspik Bakıdan 168 kilometr məsafədə yerləşən Qubanın qədim kəndlərindəndir. Kəndin adı İspik dağlarından götürülüb. Kəndin zəngin tarixə malik olduğu deyilir. Burada yaşayan yaşlı nəslin nümayəndələri bildirirlər ki, İspik qədim türk tayfalarından olub.
Fərqli adətləri və ənənələri ilə seçilən kənd həm də pirlərlə zəngindir. İspikdə insanların ziyarət etdiyi onlarla pir var. Onlardan ən məşhuru Hacı Mahmud ziyarətgahıdır.

Hacı Mahmud ziyarətgahı kəndin mərkəzində yerləşir. Kənd camaatı hər il bayram günlərində bu ziyarətgaha gedir, öz əcdadlarını yad edirlər.

Deyilənə görə, sözügedən kənddə 3 övliya dəfn olunub. Kənd sakinləri hesab edirlər ki, övliyaların ruhu onları pis əməllərdən, fəlakət və qorxunc hadisələrdən qoruyur. Ona görə də sakinlər ziyarətgahı müqəddəs hesab edirlər.

Sakinlərin fikrincə, Hacı Mahmud piri kəndin mənəvi mühitinin təmiz qalmasına, kənd camaatının müqəddəs duyğular və hisslərlə yaşamasına köməklik göstərir. Məhz elə bu səbəbdəndir ki, ziyarətçilər hər zaman çox olur. Kəndin insanları bu övliyalar haqqında müxtəlif hekayələr danışır və onların varlığına inanırlar.

Azvision.az-ın Hacı Mahmud ziyarətgahından hazırladığı fotoreportajı təqdim edirik:

































FOTO: Şahin Sərdarov
Azvision.az

Teqlər: Quba