"Şuşa 28 ildir bizim qanayan yaramızdır" - Hüseyn Altınalan
Diplomatın sözlərinə görə, həmçinin 24 mindən çox qardaşımız yurdlarından didərgin düşüb: "İşğal nəticəsində Azərbaycanın 289 kvadrat kilometr ərazisi ermənilərin nəzarətinə keçib. Ermənilər Şuşadakı bir sıra tarixi-mədəniyyət abidələrini dağıdıb. Bu sıraya məşhur Şuşa qalası, memarlıq abidəsi sayılan 170-dən çox yaşayış binası, məbədgah və məscidlər, bütövlükdə 279 dini, tarixi və mədəni abidə daxildir.
Şuşa, işğaldan bəri, yəni 28 ildir bizim qanayan yaramızdır. Ancaq bu yaranı sağaltmaq öz əlimizdə, birliyimizdə və bərabərliyimizdədir. Detallara əhəmiyyət vermədən, xırdalıqlara fikir vermədən əl-ələ verib, güc birliyi yaratsaq, hadisələrə "birimizin dərdi, hamımızın dərdidir" anlayışı ilə yanaşsaq, bu torpaqları işğaldan xilas edə bilərik. Yetər ki, gücümüzün fərqinə varaq, ayrı düşməyək".
Azvision.az