Ağcabədidə yandırılan qardaşların vəziyyəti necədir? - AÇIQLAMA
“Onlar yüngül yanıq xəsarətləri alıblar. Elə ciddi yanıq izləri yoxdur. Hazırda vəziyyətləri stabildir, müalicələri davam edir”.
Qeyd edək ki, APA-nın yaydığı məlumata əsasən, kənd sakini Amil Əmrahov münaqişə zəminində E. Əliyev və Y. Əliyevin üzərilərinə benzin tökərək onları yandırıb. Araşdırma zamanı məlum olub ki, E. Əliyev və Y. Əliyev A. Əmrahov və onun qardaşı Aftandil Əmrahova telefonda nalayiq ifadələr işlədiblər. Daha sonra onlar kəndin kənarında görüşüblər. Bu zaman Amil Əmrahov idarə etdiyi avtomobildən benzin götürərək E. Əliyev və Y. Əliyevun üstünə töküb, daha sonra alışqanla onları yandırıb.
Hadisə zamanı Amil Əmrahov özü də yanıq xəsarətləri alıb, Aftandil Əmrahov şübhəli şəxs qismində saxlanılıb.
Faktla bağlı Cinayət Məcəlləsinin 29.120-ci (qəsdən adam öldürməyə cəhd) maddəsi ilə cinayət işi başlanıb.
Aytən Zəhra
Azvision.az
Teqlər: Ağcabədi Münaqişə Yanğın