Bu il 1265 nəfər özünüməşğulluq proqramına cəlb edilib

   Bu il 1265 nəfər özünüməşğulluq proqramına cəlb edilib
  22 Fevral 2020    Oxunub:2480
Əmək və Əhalinin Sosial Müdafiəsi Nazirliyi yanında Dövlət Məşğulluq Xidməti tərəfindən 2020-ci il üzrə özünüməşğulluq proqramına 1265 nəfər cəlb edilib.

Bu barədə Azvision.az -ın sorğusuna cavab olaraq nazirlikdən məlumat verilib. Bildirilib ki, həmin şəxslərdən 284 nəfəri qadındır.
"Özünüməşğulluq proqramı üçün müraciət edənlərdən əlilliyi olan şəxslər 277 nəfər, məcburi köçkünlər 84 nəfər, ünvanlı sosial yardım alanlar 46 nəfər, şəhid ailəsi üzvləri 16 nəfərdir. Digərləri isə işsiz olan şəxslərdir. Həmin şəxslər artıq təlimlərə cəlb olunub. Bir aylıq təlim müddətində iştirakçılara biznes-plan qurmaq, kiçik biznesin təşkili və inkişaf etdirilməsi üzrə bilik və bacarıqlar öyrədilir".

Aytən Zəhra
Azvision.az


Teqlər: ƏƏSMN   Nazirlik  





Xəbər lenti