Bahalaşma hara qədər davam edəcək? – TƏHLİL

Bahalaşma hara qədər davam edəcək? – TƏHLİL
  25 Dekabr 2013    Oxunub:1912
Yeni il yaxınlaşdıqca zəruri istehlak mallarının, xüsusən də ərzağın qiyməti yüksəlir. Bu tendensiya əslində, bütün bayramlar ərəfəsində müşahidə edilsə də, bu dəfə ölkədə yanacaq məhsullarının bahalaşması da bu aya təsadüf etdiyindən qiymət yüksəlişi bir az da sürət əldə edib. Odur ki, hazırki bahalaşmanın getdikcə daha sərt xarakter daşıyacağı gözlənilir.

Dövlət Statistika Komitəsinin məlumatına əsasən, istehlak mallarının qiymətləri və xidmət tarifləri noyabrda oktyabr ayı ilə müqayisədə 0,7, ümumiyyətlə isə cari ilin 11 ayı ərzində keçən ilin müvafiq dövrünə nisbətən 2,3 % bahalaşmışdı. Oktyabr ayına görə noyabrda ərzaq məhsullarının qiymətlərinin 1,4, qeyri-ərzaq malları və xidmət tariflərinin isə hər biri üzrə 0,1 bahalaşdığı deyilirdi.

Qısa desək, ilin əvvəlindən keçən vaxt ərzində ərzaq məhsullarının qiymətləri 2,2, qeyri-ərzaq malları 0,6, xidmət tarifləri isə 3,4 % səviyyəsində yüksəlmişdi. Dekabr ayında bu rəqəmlər daha böyük olacaq. Cari il üçün Azərbaycan Mərkəzi Bankı 5-6 % inflyasiya proqnozlaşdırıb ki, keçən il bu rəqəm 1,1 % təşkil etmişdi.

Dekabrın 3-dən yanacaq məhsullarının qiymətlərinin yüksəldilməsi hökumətin 3 ay öncə əhalinin rifahını yaxşılaşdırmaq və sosial müdafiəsini gücləndirmək məqsədilə dövlət büdcəsindən ödənilən əməkhaqqları və pensiyaları artırması istiqamətdə atdığı addımın əhəmiyyətini azaltdı. Halbuki istehlak bazrında bahalaşma və inflyasiya hələ qarşidadır. Sual yaranır ki, o zaman bizi nə gözləyir? Ərzağın bahalaşması nə vaxtadək və hansı həddə qədər davam edəcək?

Real qiymət artımlarında ölkədə yanacaq məhsullarının bahalaşmasının böyük rolu var. Bu da ondan irəli gəlir ki, benzinin və dizelin qiymətləri gözlənildiyindən çox artırıldı. Və hələ yaxşı ki, ölkənin istehlak bazarında ajiotaj yaranmadı.
Təkrar edirik ki, zəruri istehlak malları və ərzağın qiymətləri yüksəlir. Lakin bu öncə, bayramla əlaqədar təsir bağışlayır ki, anoloji ərəfədə bunun əslində, hər dəfə baş verdiyini bayaq da yazdıq.
Ancaq iqtisadi məntiqə əsasən, bayramdan sonra proses səngiməlidir. Hətta, bəzi kənd təsərrüfatı məhsullarının qiymətləri tədarük mövsümü yetişənədək sabit qalmalı və ola bilsin ki, ucuzlaşmalıdır da...

Lakin təcrübə diqtə edir ki, bu, baş verməyəcək. Çünki müşahidəyə əsasən, bilavasitə bayramlarla əlaqədar, bizdə qiymətlər qalxdıqdan sonra heç vaxt enmir. Buna aid təkcə bir amilə diqqəti çəkək ki, sosial istiqamətdə artımlar ölkəmizdə həmişə inflyasiya törədir.

Halbuki, büdcədən maliyyələşən qurumlarda çalışan işçilərin aylıq əmək haqqları, o cümlədən pensiyaların səviyyəsi artırılan zaman hökumət hər dəfə çox ehtiyatla hərəkət edir. Başqa sözlə desək, Azərbaycanda vətəndaşların maaş və pensiyalarını artırmaq üçün hər cür imkanın olmasına baxmayaraq inflyasiya daim nəzarətdə saxlanılır. Bununla belə, büdcədən ödənilən maaş və pensiyalar artırılan kimi qiymətlər dərhal yüksəlməyə başlayır ki, süni qiymət artımı əhalinin gəlirlərini “yeyir”.

Düzdür, bu dəfə buna məhz yanacaq məhsullarının bahalaşması səbəb oldu. Ancaq biz, onu da yazmışıq ki, qiymətləri artıran ən çox süni və psixoloji amillərdir. Prezidentin artımlarla bağlı imzaladığı sərəncamların mürəkkəbi qurumamış, başqa sözlə desək, dövriyyədə nəğd vəsait həcmi yüksəlməmiş zəruri istehlak mallarının qiymətləri “titrəməyə” başlayır ki, maaş və pensiyaların artması bunda heç bir rol oynamır.

Yanacaq məhsullarının qiymət dəyişikliklərinə gəldikdə isə nəzərə almalıyıq ki, bu, istehsal, daşınma və ticarət xərclərinə cəmi bir dəfə “oturur”. Odur ki, iqtisadi qanunlara əsasən, dekabrın 3-dən yanacaq məhsullarının qiymətlərinin yüksəlməsi istehlak bazarında sözünü əslində, bu ay demiş olacaq. Xüsusən də, kənd təsərrüfatı məhsulları sarıdan növbəti bahalaşma özünü bir də onların istehsalı və tədarükü zamanı göstərməlidir.

Ancaq təəssüf ki, bizdə bu qanunauyğunluq da işləmir. O səbəbdən ki, ölkəmizdə yanacağın qiymətinin Tarif Şurasının 6 il öncə - 2007-ci ilin yanvarındakı qərarına əsasən artırıldıqdan sоnrа istеhlаk mаllаrının bаhаlаşmasını xatırlamaq, kifayətdir. Bеynəlхаlq Vаlyutа Fоndu (BVF) o vaxt bunu kəskin tənqid etmişdi. Bеlə ki, hökumətin qərarı ilə yanacaq məhsulları bahalaşdırıldıqdan sonra 2007-ci ildə qiymət аrtımının əsil səbəbini BFV аrаşdırmаğı tələb еtmişdi.

Fond istеhlаk mаllаrının qiymətlərinin yüksəlişində yanacaq məhsullarının bаhаlаşmаsının çox da ciddi rol oynamamalı olduğunu bildirməklə qiymət artımında bu amilin əslində, bəhanəyə çevrildiyini bəyan etdi. 2007-ci ildə ölkədə yanacağın bahalaşması istеhlаk mаllаrının qiymətlərini həqiqətən də həddindən аrtıq yüksəltdi ki, buna sanki hökumətin qərаrının səbəb olduğu mənzərəsi yаrаndı.

Əlbəttə, biz, qiymət аrtımında yanacaq məhsullarının bаhаlаşmаsının təsirini inkar еtmirik. Ancaq o zaman da yazmışdıq ki, yanacaq məhsullarının qiymət dəyişiklikləri mаyа dəyərə “oturmаmış” istehlak mallarının və ərzağın qiymətlərinin birdən-birə 10-15 % аrtması qеyri-təbii hаldır. BVF də 2007-ci ildə diqqəti bunа çəkərək еnеrjidаşıyıcılаrı bаhаlаşan kimi istеhlаk mаllаrının dаhа çох və özü də хərclərin tərkibi dəyişmədən аrtdığını anormal saymışdı.

Xatırladaq ki, 2007-ci ildə Tаrif Şurаsının qərаrındаn sоnrа 1 həftə içərisində аz qаlа 20 % bаhаlаşmа qеydə аlındı. Belə çıxır ki, dеməli, bizdə qiymətlər əslində, аrtmаğа mеylli оlduğundаn kiçik bəhаnə axtarır ki, “vulkаn kimi püskürsün”.

Eyni vəziyyət bu gün də hökm sürür. Bütün bunlаr da оndаn irəli gəlir ki, ölkəmizdə ümumi qiymətlər düzgün tənzimlənmədiyindən bazar hər cür qiymət islahatının nəticəsini “yeyir”.

Ona görə də gələnil ölkədə inflyasiyanın birrəqəmli səviyyədə təşkil edəcəyi deyilsə də, inflyasiya ideal şəkildə idarə olunmadığı üçün bahalaşmanı dəqiq proqnoz etmək çətindir.


Pərviz Heydərov
AzVision.az üçün



Teqlər:  





Xəbər lenti