“Paşinyan çıxışı ilə göstərdi ki, onun tarixi biliyi yoxdur” - Tarixçi alim
Bunu Azvision.az-a açıqlamasında tarixçi alim, deputat Musa Qasımlı deyib. Onun sözlərinə görə, Münhendə tarixi saxtalaşdırmağa çalışan Paşinyanın “Böyük Tiqranın dövründə regionda yalnız iki millət var idi: ermənilər və gürcülər” deyə səsləndirdiyi fikir tamamilə yalan üzərinə qurulub və heç bir tarixi fakta əsaslanmır.
Qeyd edək ki, fevralın 15-də Münhen Təhlükəsizlik Konfransı çərçivəsində Ermənistan-Azərbaycan Dağlıq Qarabağ münaqişəsi ilə bağlı panel müzakirələr keçirilib. Müzakirələrdə Azərbaycan Respublikasının Prezidenti İlham Əliyev və Ermənistan Respublikasının baş naziri Nikol Paşinyan iştirak ediblər. Çıxışını yalan və saxta məlumatlar üzərində quran Paşinyan Prezident İlham Əliyevin səsləndirdiyi tarixi faktlar və tutarlı arqumentlər qarşısını aciz duruma düşüb.
Aytən Zəhra
Azvision.az
Teqlər: Musa-Qasımlı Tarix