Gürcüstan azərbaycanlıları ölkəmizdə pulsuz təhsil alacaq

  06 Dekabr 2019    Oxunub : 1935
Gürcüstan azərbaycanlıları ölkəmizdə pulsuz təhsil alacaq
Azərbaycan hökuməti Gürcüstan vətəndaşları olan azərbaycanlıların Azərbaycanın ali təhsil müəssisələrində pedoqoji ixtisaslar üzrə təhsil almaları üçün kvota ayırıb.
Diasporla İş üzrə Dövlət Komitəsinin Mətbuat xidmətindən Azvision.az -a verilən məlumata görə, 2020-2021-ci tədris ilindən etibarən Gürcüstan vətəndaşları olan azərbaycanlılar Azərbaycanın ali məktəblərində ödənişsiz təhsil alacaqlar və onlara təqaüd veriləcək:

“Artıq Azərbaycan hökuməti tərəfindən kvota müəyyənləşdirilib. Bununla bağlı və eyni zamanda, sonradan həmin pedoqoqların Gürcüstandakı azərbaycandilli məktəblərdə işlə təmin olunmaları məsələsinin həlli üçün Azərbaycan və Gürcüstanın Təhsil nazirlikləri arasında danışıqlar planlaşdırılır. Növbəti təris ili üçün bu kvotanın doldurulması ilə bağlı mexanizmlər müəyyənləşdiriləcək”.

Azvision.az

Teqlər: Gürcüstan   Təhsil