BNA küləkli hava ilə bağlı müraciət edib

BNA küləkli hava ilə bağlı müraciət edib
  02 Dekabr 2019    Oxunub:2757
Bakı Nəqliyyat Agentliyi (BNA) paytaxtda hökm sürən küləkli hava şəraiti ilə bağlı sərnişinlərə və sürücülərə müraciət edib.
BNA-dan Azvision.az-a daxil olan məlumata görə, müşahidə olunan küləkli hava şəraiti ilə əlaqədar bütün hərəkət iştirakçılarına ehtiyatlı olmaq tövsiyə edilir:

"Sərnişinlərdən xahiş edirik ki, avtobus dayanacaq pavilyonlarında gözləyərkən diqqətli olsunlar. Dayanacaq məntəqəsinin ərazisindən kənarda avtobusa minib-düşməsinlər. Həmçinin, Nəqliyyat Mübadilə Mərkəzlərinin ərazisində eyni qaydalara riayət edilməlidir.

Sürücülərə tövsiyə edirik ki, hərəkətdə olan zaman yollarda müəyyən edilən sürət həddinə və yol nişanlarının tələblərinə əməl etsinlər. Hava şəraiti ilə əlaqədar paytaxt yollarına və ictimai nəqliyyat infrastrukturlarına nəzarət gücləndirilib. Hər hansı bir narahatlıq olduğu zaman Bakı Nəqliyyat Agentliyinin 141 Çağrı Mərkəzinə zəng etmənizi xahiş edirik".

Azvision.az



Teqlər: BNA   Külək  





Xəbər lenti