“Xalq artisti deyilik ki, özümüzü “İnstagram”da reklam edək” - Deputat
S.Novruzov bildirib ki, kimlərsə özünə Milli Məclis hesabına xal qazanmaq istəyir: “Biz xaricdə oturub Milli Məclisə qarşı qarayaxma kampaniyası aparanlarla mübarizə aparaq, yoxsa öz daxilimizdəkilərə qarşı? Ona görə də hər bir kəs öz fikrində, rəyində oturduğu stola hörmət etməlidir. Xalq səlahiyyət verib ki, onun maraqlarını təmsil edəsən. Xalq artisti deyilik ki, “İnstagram”da və digər yerlərdə özümüzü reklam edək. Hərənin öz sahəsi üzrə işi var. Deputatın da işi seçicilərlə işləməkdir. Deputatın işi seçicilərin maraqlarını təbliğ etməkdir, özünün deyil. Hər bir kəs bu məsələyə ciddi yanaşmalıdır. Milli Məclisdə hamının marağı olmalıdır”.
YAP təmsilçisi çıxışında bir çox həmkarlarını tənqid edib: "Bəzi deputatlar deyir ki, tənqidlərə cavab vermirik, onların səviyyəsinə düşmək istəmirik. Təndiq və ya təhqir edənin səviyyəsinə düşmək istəmirsən, alimsənsə, alim səviyyəsində, yazıçısansa yazıçı səviyyəsində cavab ver. Biz demirik ki, gedin, söyün, etikadan kənar ölkəmizin milli maraqlarına zidd fikir söyləyin. Azərbaycanda internet və mətbuat azaddır, fikir və söz, sərbəst toplaşmaq azadlığı təmin olunub. Qanunun tələbləri çərçivəsində hamı bunu yerinə yetirə bilər. Heç kəs qanundan kənar addım ata bilməz".
Anar Kəlbiyev
Azvision.az
Teqlər: Milli-Məclis Deputat