MDB dövlətlərinin nümayəndələri DOST Agentliyində
Bu ilin may ayında açılışı olan, əmək, məşğulluq, əlillik, sosial təminat və s. sahələrdə 132 növ xidmət göstərən ilk DOST Mərkəzinə fəaliyyət göstərdiyi 5 ayda 40 mindən çox vətəndaş müraciət edib. Aparılan soğrular nəticəsində DOST xidmətlərinin keyfiyyətindən tam məmnunluq səviyyəsinin 93%-i keçdiyi müəyyən olunub. Cari ilin sonuna qədər daha iki DOST mərkəzinin açılması nəzərdə tutulur. 2025-ci ildə isə ölkədə onların sayı 31-ə çatdırılacaq.
Qonaqlar mərkəzin iş prinsipləri, burada əhaliyə göstərilən xidmətlər, eləcə də mərkəzin elektron xidmətlər sistemi, əlillik, pensiya, sosial sığorta, əmək münasibətləri, məşğulluq, sosial müavinət və təqaüdlər, sosial xidmətlər və s. sahələr üzrə xidmət bölmələri və s. ilə əyani tanış olublar. Onlar mərkəzlə bağlı xoş təəssüratlarını bölüşüb, DOST layihəsinin dövlət sosial xidmətlərinin əhaliyə çatdırılmasında uğurlu bir yenilik olduğunu vurğulayıblar.
Şura üzvləri üçün DOST Agentliyinin fəaliyyətinə dair təqdimat da edilib.
Azvision.az