2500-dən çox şəxsin saxta əlillik statusu aldığı üzə çıxıb
Azvision.az xəbər verir ki, bunu jurnalistlərə açıqlamasında Əmək və Əhalinin Sosial Müdafiəsi naziri Sahil Babayev deyib. Nazir bildirib ki, ümumilikdə saxta əlillik dərəcəsi almaq istəyən şəxslərin kateqoriyası müxtəlifdir.
S.Babayev qeyd edib ki, bu kimi halların qarşısını almaq üçün monitorinqlər davam etdirilir: "Əsasən risk kriteriyaları üzrə orta və yuxarı yaşda olan şəxslərdə, əlilliyə görə yüksək pensiya alanlar arasında saxtakarlıqlar daha tez aşkar edilir. Ümumilikdə, monitorinqlər bütün istiqamətləri əhatə edəcək və daimi elektron monitorinqə çevriləcək. Nəticədə ölkə üzrə aylıq əsasda dövlətdən vəsait alan 2 milyon 800 min insanın hər birinin məlumatı elektronlaşdırılaraq vahid portala yerləşdiriləcək".
Nazir əlavə edib ki, Səhiyyə və Əmək və Əhalinin Sosial Müdafiəsi nazirliklərinin birgə işçi qrupu tərəfındən bu il 2500-dən artıq saxta əlillik dərəəsi almış şəxs müəyyən edilib: "Onlarla bağlı ciddi tədbir görülüb və dövlət büdcəsinə illik 13 milyon manatdan artıq qənaət edilib".
Aytən Zəhra
Azvision.az
Teqlər: Sahil-Babayev Əlillik Status ƏƏSMN Saxtakarlıq