İctimai Şura üzvləri miqrantların saxlanıldığı mərkəzdə - FOTOLAR

İctimai Şura üzvləri miqrantların saxlanıldığı mərkəzdə -    FOTOLAR
  21 Sentyabr 2019    Oxunub:2478
Dövlət Miqrasiya Xidməti yanında İctimai Şuranın üzvləri Bakı şəhər Qanunsuz Miqrantların Saxlanılması Mərkəzinə səfər ediblər
Xidmətdən Azvision.az -a verilən məlumata görə, məqsəd Mərkəzdə yerləşdirilən miqrantların saxlanılması şəraitini və real vəziyyətini əyani şəkildə öyrənmək olub. Şuranın sədri Azər Allahverənov və üzvləri qanunsuz miqrasiyaya qarşı keçirilmiş tədbirlər nəticəsində saxlanılmış və Mərkəzdə yerləşdirilmiş miqrantlarla görüşüb, onların ölkəyə gəlişinin səbəbləri, buradakı fəaliyyətləri, hazırda saxlanıldıqları şəraitlə tanış olub, onları narahat edən məsələlər ətrafında müzakirələr aparıblar.



Bakı şəhər Qanunsuz Miqrantların Saxlanılması Mərkəzindəki miqrantlar İctimai Şuranın üzvlərinə Mərkəz əməkdaşları tərəfindən onlara göstərilən diqqət və qayğıdan, bütün xidmətlərdən, buradakı şəraitdən məmnun qaldıqlarını, onların ölkədən çıxarılması barədə müvafiq qərarı gözlədiklərini bildiriblər.



Onlarla aparılan izahat nəticəsində bu şəxslər hansı xətalara yol verdiklərini başa düşüblər və gələcəkdə yenidən Azərbaycana səfər etdikdə bu səhvləri təkrarlamayacaqlarını bildiriblər.



Monitorinqdə iştirak edən Dövlət Miqrasiya Xidməti yanında İctimai Şuranın üzvlərinin yekdil qənaəti bundan ibarət olub ki, Bakı şəhər Qanunsuz Miqrantların Saxlanılması Mərkəzinin fəaliyyəti və şəraiti insan hüquq və azadlıqlarının təmin olunması prinsiplərinə uyğun təşkil edilir.



Azvision.az


Teqlər: DMX  





Xəbər lenti