Vüsal Hüseynov BMT rəsmisilə görüşüb - FOTOLAR

  27 Avqust 2019    Oxunub : 746
Vüsal Hüseynov BMT rəsmisilə görüşüb - FOTOLAR
Dövlət Miqrasiya Xidmətinin rəisi, III dərəcəli dövlət miqrasiya xidməti müşaviri Vüsal Hüseynov Birləşmiş Millətlər Təşkilatının Qaçqınlar üzrə Ali Komissarlığının (BMT QAK) Azərbaycandakı nümayəndəsi Quido Ambroso ilə görüşüb.
Qurumdan Azvision.az -a verilən məlumata görə, Vüsal Hüseynov Dövlət Miqrasiya Xidməti ilə BMT QAK-ın Azərbaycandakı nümayəndəliyi arasında olan səmərəli əlaqələrə toxunub, eləcə də ölkədə mövcud sığınacaq sisteminin təkmilləşdirilməsi ilə əlaqədar mühüm işlər aparıldığını, qaçqın statusu almış şəxslərin inteqrasiyası ilə bağlı məsələlərin diqqət mərkəzində olduğunu bildirib.



Görüşdə 7-11 oktyabr 2019-cu il tarixlərdə Cenevrədə keçiriləcək BMT QAK-ın İcraiyyə Komitəsinin 70-ci sessiyası və 17-18 dekabr tarixlərdə reallaşacaq Qaçqınlar üzrə I Qlobal Foruma dair müzakirələr, həmçinin qarşılıqlı maraq doğuran digər məsələlər barədə fikir mübadiləsi aparılıb.



Azvision.az

Teqlər: BMT   Miqrasiya