"Bəzi dərmanlar sığorta paketinə daxil olmalıdır" - ÜST rəsmisi

"Bəzi dərmanlar sığorta paketinə daxil olmalıdır" -  ÜST rəsmisi
  01 Avqust 2019    Oxunub:1166
"Azərbaycanda dərmanlarla təchizat icbari tibbi sığorta paketinin xidmətlərinə daxil olmalıdır"
Azvision.az xəbər verir ki, bunu Azərbaycanda səfərdə olan Ümumdünya Səhiyyə Təşkilatının Səhiyyə məsələləri üzrə baş iqtisadçısı Melitta Jakab səhiyyə sistemində dəyişiklərlə bağlı Azərbaycan hökumətini dəstəkləmək üçün ölkəyə gəlmiş beynəlxalq missiyanın nəticələrinə dair tədbirdə deyib.

Onun sözlərinə görə, bu dərmanlar ilkin səhiyyə xidmətlərinə aid olmalıdır: "Hesab edirik ki, ilkin olaraq, 20-30 adda dərman bu paketə daxil ola bilər. Bunlar əsas ilkin səhiyyə xidmətlərində istifadə edilən dərmanlar olmalıdır. Paketə qan təzyiqini aşağı salan, şəkər xəstəliyi üçün nəzərdə tutulan, uşaqları infeksiyadan, xüsusilə tənəffüs yolları infeksiyalarından qorumaq üçün antibiotiklər, hamilə qadınlar üçün folikasid və dəmir əlavə edilə bilər. Lakin bununla bağlı hesablama aparılmalıdır".

M.Jakab hesab edir ki, dərmanların paketə daxil edilməsi insanların maliyyə yükünü azaldar.

Aytən Zəhra
Azvision.az


Teqlər: Dərman   İcbarisığorta  





Xəbər lenti