“4 oğlu olan valideyn qocalar evində yaşayır” - Komitə rəsmisi

  21 May 2019    Oxunub : 1530
“4 oğlu olan valideyn qocalar evində yaşayır” - Komitə rəsmisi
"2017-ci ildə Azərbaycanda hər 100 qız uşağına 114 oğlan düşürdü. Təəssüf ki, 2018-ci ildə hər 100 qıza 118 oğlan düşüb"
Azvision.az xəbər verir ki, bunu Ailə, Qadın və Uşaq Problemləri üzrə Dövlət Komitəsinin İnformasiya və Analitik Araşdırmalar şöbəsinin baş məsləhətçisi Aynur Veysəlova media nümayəndələrinin gender həssaslığının artırılması və gender əsaslı cins seçimi mövzusu üzrə praktik seminarda çıxışı zamanı deyib.

Komitə nümayəndəsi bildirib ki, ölkədə qız uşağının azalması ilə bağlı həyacan təbili çalınır: "Qızların sayının azalmasının ailə institutuna yaradacaq təsirini artıq müşahidə edirik. Ailədə, cəmiyyətdə qıza və qadına üstünlük verilməlidir. "Üçüncü uşaq qız doğulsa evə gəlmə" qorxusu altında qadın qalmamalıdır. Hamilə qadın psixoloji problemlər yaşamamalıdır. Qayınana da qadındır və niyə gəlini qız uşağını dünyaya gətirməməyə məcbur etməlidir?. Ailədə və cəmiyyətdə "oğlan ailənin dayağıdır, valideynlərinin qayğısına qalır" stereotipləri pozulmalıdır. Təcrübədə də sübut edilib ki, 4 oğlu olan valideyn qocalar evində yaşayır".

Aytən Zəhra
Azvision.az

Teqlər: Komitə   Qadın   Aynur-Veysəlova