500-ə yaxın sahibkar “Azərişıq” ASC-yə müraciət edib

500-ə yaxın sahibkar “Azərişıq” ASC-yə müraciət edib
  04 May 2019    Oxunub:2135
Sahibkarların “Azərişıq” ASC-yə müraciətlərinin sayı artıb.
ASC-dən Azvision.az -a verilən məlumata görə, prosedurların 2-yə, müddətin isə 20 günə endirilməsi və elektron qaydada sənəd qəbulu müraciətlərin artmasına səbəb olub.

Apreldə “Azərişıq” ASC-yə “ASAN xidmət”, “ASAN Kommunal” və elektron qaydada obyektini elektrik şəbəkəsinə qoşdurmaq üçün 466 sahibkar müraciət edib. Sahibkarların müraciətlərinin sayında əvvəlki aylarla müqayisədə ciddi artım müşahidə olunub və bu da aparılan islahatlarla bağlıdır.

Qeyd edək ki, ötən il dekabrın 25-də Azərbaycan Respublikasının Prezidenti tərəfindən “Sahibkarların mövcud və ya inşa ediləcək tikinti obyektlərinin elektrik enerjisi ilə təchizatı prosedurunun sadələşdirilməsi haqqında” Fərman imzalanıb və şəbəkəyə qoşulma müddəti 24 gündən 20 günə, prosedurlar isə 3-dən 2-yə endirilib. Bundan başqa, şəbəkəyə qoşulma ilə bağlı kilovata görə vahid tarifin tətbiq olunması, “Azərişıq” ASC-nin elektron xəritəsinin “ASAN xidmət”in işinə inteqrasiya edilməsi və nəhayət müraciətlərin elektron qaydada qəbul olunması da müsbət mənada öz rolunu oynayıb.

Bununla yanaşı, apreldə 3400 vətəndaş evinə, bağına və ya həyətinə işıq çəkdirmək üçün müraciət edib. Sənədlərdə uyğunsuzluq və bu kimi hallar istisna olmaqla həm sahibkarların, həm də vətəndaşların müraciətləri yerinə yetirilib.

Azvision.az



Teqlər: Azərişıq  





Xəbər lenti