Deputatlarımız Qətərə gedir

Deputatlarımız Qətərə gedir
  05 Aprel 2019    Oxunub:4179
Milli Məclisin deputatları Kamran Bayramov, Şahin İsmayılov və Sona Əliyeva Parlamentlərarası İttifaqın 140-cı Assambleyasında iştirak etmək üçün aprelin 6-da Qətər Dövlətinin paytaxtı Doha şəhərinə səfərə gedəcəklər.
Milli Məclisdən Azvision.az -a verilən məlumata görə, toplantıda millət vəkilləri “Sülhə zərər verən və insan hüquqlarını pozan vasitə kimi muzdlulardan istifadənin yolverilməzliyi”, “Dayanıqlı inkişaf məqsədlərinə, xüsusilə də iqtisadi bərabərlik, dayanıqlı infrastruktur, sənayeləşmə və innovasiyaya nail olmaqda azad və ədalətli ticarət və investisiyanın rolu” adlı qətnamə layihələrinin müzakirələrində iştirak edəcəklər.

Millət vəkilləri müzakirə olunacaq məsələlər barədə öz fikirlərini bildirəcəklər.

Səfər aprelin 11-də başa çatacaq.

Azvision.az


Teqlər: Deputat   Qətər   Səfər  





Xəbər lenti