Avtovağzallarda gücləndirilmiş iş rejiminin müddəti uzadılıb

  21 Mart 2019    Oxunub : 982
Avtovağzallarda gücləndirilmiş iş rejiminin müddəti uzadılıb
Nəqliyyat, Rabitə və Yüksək Texnologiyalar Nazirliyi yanında Dövlət Avtomobil Nəqliyyatı Xidməti (DANX) Novruz bayramı ilə əlaqədar gücləndirilmiş iş rejiminin müddətini martın 30-na qədər uzadıb
DANX-ın mətbuat katibi Nuridə Allahyarovanın Azvision.az -a verdiyi məlumata görə, mart ayının 19-dan bu saata qədər respublikanın 62 avtovağzal və avtostansiya kompleksindən ümumilikdə 54542 nəfər sərnişin daşınıb.

"Paytaxtdan regionlarımıza və xaricə səfər edənlərin üstünlük təşkil etməsi ilə əlaqədar sıxlıq daha çox BBAK-da müşahidə edilib. Paytaxdan daşınan sərnişin sayı bu saata qədər 38542 nəfərdir. Region avtovağzallarımızdan növbəti ən böyük sıxlıq Gəncə, Mingəçevir, Şirvanda müşahidə edilir.

Dövlət Avtomobil Nəqliyyatı Xidməti olaraq sərnişinlərimizdən xahiş edirik ki, hər hansı süni qiymət artımı ilə qarşılaşacağınız təqdirdə 5626758 nomrəsinə məlumat verilsin. Bir daha xatırladım ki, DANX regionlardan paytaxta geri dönən sərnişinlər üçün gücləndirilmuş rejimin müddətini martın 30-na qədər uzadıb".

Azvision.az

Teqlər: DANX