Jurnalistlərə “Rəqəmsal ödənişlər” mövzusunda təlim təşkil ediləcək

Jurnalistlərə “Rəqəmsal ödənişlər” mövzusunda təlim təşkil ediləcək
  31 Yanvar 2019    Oxunub:1778
Maliyyə Bazarlarına Nəzarət Palatası "VISA Inc." beynəlxalq kart təşkilatı ilə birgə fevralın 12-də kütləvi informasiya vasitələri nümayəndələri üçün "Rəqəmsal ödənişlər" mövzusunda təlim keçirəcək.
Palatadan Azvision.az -a bildirilib ki, təlimdə rəqəmsal ödəniş sistemləri, elektron ödənişlər və kölgə iqtisadiyyatı, rəqəmsal ödənişlərin iqtisadi təsiri, bu sahədə məhdudiyyətlər, müxtəlif ölkələrdə elektron ödənişlərin qəbul səviyyəsi, "nağdsız ödəniş" təcrübəsi, habelə "VISA Inc." beynəlxalq kart təşkilatı tərəfindən tətbiq olunan innovativ məhsul və xidmətlər haqqında məlumat veriləcək.

Təlimdə "VISA Inc." beynəlxalq kart təşkilatının Mərkəzi və Şərqi Avropa, Orta Şərq və Afrika region ölkələri üzrə qlobal ictimai siyasət departamentinin rəqəmsal ödənişlər sahəsində eksperti Majeed Hujairin məruzəsi dinləniləcək. Təlim iştirakçılarına beynəlxalq sertifikat təqdim olunacaq.

Azvision.az


Teqlər:





Xəbər lenti