Paşinyan Rusiyaya gedir - Zasın təyinatı təsdiqlənəcək
Azvision.az erməni mətbuatına istinadən xəbər verir ki, səfər zamanı Paşinyanın Rusiya prezidenti Vladimir Putinlə görüşü planlaşdırılır.
Qeyd edək ki, KTMT-nin Kollektiv Təhlükəsizlik Şurasına sədrlik edən Qırğızıstan Respublikası prezidenti Soronbay Jeenbekovun təlimatına uyğun olaraq təşkilatın katibliyi Belarus Dövlət Təhlükəsizlik Şurasının katibi Stanislav Zasın KTMT-nin baş katibi təyin olunması haqqında qərar layihələrini hazırlayaraq üzv dövlətlərə göndərib.
Belarus Dövlət Təhlükəsizlik Şurasının katibi Stanislav Zasın bu posta namizədliyinin razılaşdırılması proseduru onun dekabrın 12-dən 20-dək KTMT-yə üzv olan hər bir dövlətin başçısı ilə keçirdiyi şəxsi görüşlər yolu ilə təşkil edilib. Zasın KTMT-ya baş katib təyin olumasını Ermənistanın baş naziri səlahiyyətlərinin icraçısı Nikol Paşinyan istisna olmaqla təşkilata üzv olan bütün ölkələrin rəhbərləri təsdiq edib.
Xatırladaq ki, Ermənistanda 2008-ci ilin mart hadisələri ilə əlaqədar açılan cinayət işi çərçivəsində ittiham olunan Yuri Xaçaturov İrəvanın təşəbbüsü ilə müəyyən olunmuş prosedura əsasən, vaxtından əvvəl KTMT-nin baş katibi vəzifəsindən geri çağırılıb. Bu vəzifənin icrası təşkilatın baş katibinin müavini Valeri Semerikova tapşırılıb.
İlkin Nəcəfzadə
Azvision.az