“2020-ci ildə dünyada kütləvi işsizlik olacaq” - Professor

  “2020-ci ildə dünyada kütləvi işsizlik olacaq” -    Professor
  15 Dekabr 2018    Oxunub:3246
"Bu gün dünyada böyük problemlərdən biri işsizlikdir və 2020-ci ildə dünyada kütləvi işsizlik olacaq"

Azvision.az xəbər verir ki, bunu Milli Məclisdə keçirilən Parlamentlərarası İttifaqın Gənc Parlament Üzvlərinin V Qlobal konfransında Oksford Universitetinin professoru Daniel Susskind deyib.
Onun sözlərinə görə, bu problemin kökündə elm və texnologiyanın sürətli inkişafı və onun həyatımıza, əl əməyinə ciddi təsiri dayanır: “Çünki texnologiyalar inkişaf etdikcə, işçi qüvvəsinə, əl əməyinə də ciddi ehtiyac qalmır. İşləri məhz həmin texnoloji avadanlıqlar, cihazlar görür”.

Beynəlxalq Əmək Təşkilatının (BƏT) təmsilçisi Xoloud Alxadi də konfransda çıxışı zamanı dünyada işsizlik problemi məsələsinə toxunub. Onun sözlərinə görə, bu gün dünya üzrə işsizlik həddi artıq 63 faiz səviyyəsindədir.

X.Alxadi bildirib ki, bu rəqəm bəzi ölkələrdə daha yüksəkdir, xüsusilə də, gənclərlə bağlı ciddi problemlər var: “Onların çoxu işsizdir. Ona görə dünyanın qarşısında bu məsələ çox ciddi və aktual problem olaraq dayanır. Bu problemlərin, xüsusən də, gənclərin işsizlik probleminin aradan qaldırılması ypnündə daha ciddi addımlar atılmalı, böyük layihələr icra edilməlidir”.

Anar Kəlbiyev
Azvision.az


Teqlər: Konfrans   İşsizlik  





Xəbər lenti