Binəli Yıldırım erməniləri Qarabağdan çıxmağa çağırdı

  21 Sentyabr 2018    Oxunub : 2083
Binəli Yıldırım erməniləri Qarabağdan çıxmağa çağırdı
“Dünya çətin dönəmdən keçir. Ölkələr arasındakı əlaqələr çətin vəziyyətdədir”.

AzVision.az xəbər verir ki, bunu Türkiyə Böyük Millət Məclisinin (TBMM) sədri Binəli Yıldırım Milli Məclisdə Azərbaycan parlamentinin 100 illiyi münasibətilə keçirilən təntənəli iclasda çıxışı zamanı deyib.
O, bildirib ki, dünyada gərginliyin azaldılmasına ehtiyac var: “Azərbaycan və Türkiyə bu məsələdə çox yaxşı bir örnəkdir. İki ölkə arasındakı qərarlı və sabit işbirliyi münasibətlərin inkişafına böyük töhfə verməkdədir. Azərbaycanın sabitliyi, hüzuru, təhlükəsizliyi təqdirəlayiqdir. Müxtəlif dinlərin və mədəniyyətlərin sülh içərisində birlikdə yaşadığı bu torpaqlar Qafqazdakı digər dövlətlərə də nümunədir”.

Çıxışında Qarabağ məsələsinə toxunan Yıldıırm deyib: “Bölgənin ən önəmli problemi Dağlıq Qarabağ münaqişəsidir. Bu məsələyə daimi həll tapılmadan Qafqazlarda qarşıdurma riskini aradan qaldırmaq mümkün deyil. Türkiyə lap əvvəldən Azərbaycanın mövqeyini dəstəkləyir. Ermənistan işğal etdiyi Azərbaycan torpaqlarını şərtsiz tərk etməlidir. Bu torpaqlar Azərbaycanındır. Dünən belə idi, əbədiyyən belə olacaq”.

Elvin Abdulqədirov
AzVision.az

Teqlər: Binəli-Yıldırım   Qarabağ  






Azvision.az ©2014 | Bütün hüquqları qorunur