“Erməni deputatların Bakıya gəlməsi ilk dəfə deyil”
Azərbaycanın AŞPA-dakı nümayəndə heyətinin üzvü, millət vəkili Rövşən Rzayev AzVision.az-a bildirib ki, digər ölkələrin nümayəndələri kimi erməni deputatlar da AŞPA-nın keçirdiyi iclaslarda iştirak edə bilərlər.
Millət vəkili, həmçinin erməni deputatların Bakıya gəlib-gəlməyəcəyi haqda dəqiq məlumata malik olmadığını deyib. Bildirib ki, Ermənistan təmsilçiləri bir neçə dəfə Azərbaycanda təşkil olunan tədbirlərdə iştirak ediblər.
“Onlar qrup çərçivəsində Azərbaycana gəlir və iclasda iştirak edirlər. Belə hallar olur. Bu, ilk deyil”.
R.Rzayev vurğulayıb ki, dünyanın hər bir yerində keçirilən tədbirlərdə, bütün beynəlxalq təşkilatlarda ermənilərin layiqli cavabı verilir: “Bütün beynəlxlaq tədbirlərdə və qurumlarda Azərbaycanın haqlı mövqeyi dəstəklənir. Düşmənin işğalçı siyatəsi pislənilir”.
Anar Kəlbiyev
AzVision.az
Teqlər: Rövşən-Rzayev Deputat Milli-Məclis