“Tale Heydərov tez-tez zəng edir, soruşur ki....”
Bu barədə AzVision.az-a Avropa Azərbaycan Məktəbindən bildirilib. Qeyd edilib ki, məktəbin təsisçisi Avropa Azərbaycan Cəmiyyətinin sədri Tale Heydərovdur:
“Tale müəllim həmçinin tez-tez rəhbərliyə zəng vurub, məktəbdəki vəziyyəti öyrənir. Dərslərin gedişini soruşur. Müəyyən tövsiyyələrini verir”.
Həmçinin bildirilib ki, məktəbin yeni korpusu da yaxın günlərdə istifadəyə veriləcək:
“Əvvəlki korpusun açılış mərasimində Kəmaləddin müəllim də iştirak edirdi. O, çıxış zamanı məktəbdəki təhsil səviyyəsinin daha da yüksəldilməsi ilə bağlı tapşırıqlarını vermişdi. Kəmalədddin müəlimin özü də məktəblə tez-tez maraqlanır. Rəhbərlik məktəbdəki vəziyyətlə bağlı Kəmaləddin müəllimə də məlumat verir”.
Daha sonra bildirilib ki, məktəbdə müəllim-şagird münasibətləri yüksək səviyyədədir:
“Müəllimlərimiz yüksək səviyyədə təhsil və mədəniyyətə malikdirlər. Onlar şagirdlərlə yaxşı, səmimi münasibət qurublar. Bizim məktəbdə şagird-müəllim münasibətlərində heç bir problem yoxdur”.
Qeyd edək ki, 2011-ci ildə Tale Heydərov tərəfindən Bakıda Avropa Azərbaycan Məktəbi yaradılıb. O, bu məktəbin Himayədarlar Şurasının prezidentidir.
Hafiz Əhmədov