“Şərurlu İsfəndiyar” həbs xəbərini təkzib etdi - Yenilənib

“Şərurlu İsfəndiyar” həbs xəbərini təkzib etdi - Yenilənib
  22 May 2015    Oxunub:6762
"Mənim hesabıma tirajlarını artırırlar"
Mayın 21-də, günün ikinci yarısında iş adamı, "Şərur" MTK-nın rəhbəri İsfəndiyar Axundovun həbsi xəbəri yayılıb. Virtualaz.org saytı özəl mənbəyə istinadən yazıb ki, İ.Axundov "Beynəlxalq Bank işi" üzrə istintaqa ifadə vermək üçün DİN Baş Mütəşəkkil Cinayətkarlıqla Mübarizə İdarəsinə (BMCMİ) çağırılıb. Sayt onun 5 gündür həmin idarədə saxlandığını yazıb. İş adamının Beynəlxalq Banka 100 milyon manat borcunun olduğu bildirilir.

Musavat.com-un əməkdaşı İsfəndiyar Axundovun mobil telefonuna zəng edərək ondan yayılan xəbərə münasibət öyrənib. İş adamı bildirib ki, həbs edilməsi haqda məlumat doğru deyil: "Bəzi jurnalsitlər və saytlar barəmdə bu cür xəbərlər yazıb özlərini reklam edirlər. Məndən yazmaqla tirajlarını artırırlar. Halbu ki, mənə zəng vurub dəqiqləşdirmə apara bilərdilər. Necə ki, bu işi siz görürsüz - dəqiqləşdirib sonra yazırsınız. Hazırda bağdayam, istirahət edirəm, həbsim və yaxud istintaqa çağırılmağımla bağlı xəbərlər də yalandan başqa bir şey deyil."

"Siz iş adamı kimi Beynəlxalq Bankla əməkdaşlıq etmisinizmi, həmin bankdan kredit götürmüsünüzmü" sualına iş adamı belə cavab verib: "Nəinki Beynəlxalq Banka, ümumiyyətlə heç bir banka borcum yoxdur".

***

Kredit qalmaqalına görə daha bir oliqarx həbs olunub.

Hüquq-mühafizə orqanlarındakı virtualaz.org saytına verilən məlumata görə, “Şərurlu İsfəndiyar” kimi tanınan iş adamı İsfəndiyar Axundov Daxili İşlər Nazirliyi Mütəşəkkil Cinayətkarlığa Qarşı Mübarizə İdarəsinin (“Bandotdel”) əməkdaşları tərəfindən saxlanılıb.

“Şərur” MTK şirkətinin sahibi olan biznesmen artıq 5 gündür ki, “Bandotdel”in təcridxanasında saxlanılır.

İlkin məlumata görə, həbsdəki digər biznesmenlər kimi naxçıvanlı iş adamı da banklardan külli miqdarda kredit götürərək mənimsəməkdə ittiham olunur. İ.Axundovun banklara 100 milyon dollara qədər borcunun olduğu deyilir.


Teqlər:  





Xəbər lenti