Bakının Qaradağ rayonunun Qobustan qəsəbəsində oğurluqda təqsirləndirilən 21 yaşlı oğlan tutulub. “Bomba” ləqəbli Sərvət Zərbəliyev növbəti oğurluq əməlini törədərkən yaxalanıb. Rayon Polis İdarəsi tərəfindən 4 aydır, axtarışda olan Sərvət Zərbəliyevin qəsəbə ərazisində aptek və mağazalardan oğurluq etdiyi bildirilir.
AzVision.az-ın APA TV-yə istinadən xəbərinə görə, istintaqla müəyyən olunub ki, saxlanılan şəxs Qobustan qəsəbə sakini Babalar Süleymanova məxsus mağazadan 320 manat və mobil telefon, aptekdən 1200 manat, kişi geyimləri mağazasından 2500 manat dəyərində geyim əşyaları oğurlayıb.
Əvvəllər fərarilik maddəsi ilə məhkum olunan gəncin digər cinayətlərdə iştirakı istisna olunmur. Faktla bağlı Cinayət Məcəlləsinin 177-ci (oğurluq) maddəsi ilə cinayət işi başlanıb.
Qeyd edək ki, Sərvət Zərbəliyevin oğurluq etdiyi ticarət obyektlərini dağıtdığı üçün “Bomba” ləqəbi ilə məşhurlaşdığı bildirilir.
“Bomba” ləqəbli məşhur oğru Bakıda tutuldu
22 Dekabr 2014
Oxunub:1799
Teqlər:
Vaxtında, Aydın, Lazımlı!
-1708596417.jpg&h=200&w=200&zc=2&q=70)
