“Sən kimsən ki, mənə göstəriş verirsən?” - Ərdoğan nazirə qəzəbləndi

“Sən kimsən ki, mənə göstəriş verirsən?” - Ərdoğan nazirə qəzəbləndi
  20 Avqust 2017    Oxunub:18544
“Sən kimsən Türkiyə prezidenti ilə danışırsan!? Həddini bil. Bizə dərs keçməyə çalışır. Sən nə vaxtdan siyasətdəsən? Neçə yaşın var? Bizim həyatımız siyasətdə mübarizələrlə keçib”
AzVision.az xəbər verir ki, bunu Türkiyə prezidenti Rəcəb Tayyib Ərdoğan Almaniya XİN rəhbəri Ziqmar Qabriellə bağlı çıxışında deyib.

Ərdoğan almaniyalı naziri onun haqqında dediyi sözlərə görə sərt tənqid edib.

"Almaniyanın bizə qapı açıb-açmamasının heç bir önəmi yoxdur. Bizə açılan qapılar yetərlidir. Qapılarını bizə açan ölkələrə məmnuniyyətlə gedirik və qapımız onlara açıqdır.

Biz onlara 4 min terrorçunun adı olan siyahı vermişik. Heç bir cavab gəlmədi, hələ üstəlik, onlar özlərini bir-iki nəfərin azad edilməsini xahiş etməkdə haqlı bilirlər. Qüsura baxmayın, amma sizdə olduğu kimi, bizim də hüquq və qanunumuz var. Hələ bu xarici işlər naziri! Öz yerini bilmir! Sən kimsən ki?!".

Xatırladaq ki, Ziqmar Qabriel Türkiyə prezidentinin Almaniyada yaşayan türklərə Bundestaqa seçkilərlə bağlı etdiyi çağırışı AFR-in suverenliyinə müdaxilə aktı kimi qiymətləndirmişdi.

Almaniya bundestaqına seçkilər sentyabrın 24-də keçiriləcək.

AzVision.az


Teqlər: Türkiyə   Ərdoğan   Almaniya  





Xəbər lenti