Avropa Məhkəməsi “Çıraqovların işi”ni yubadır
“Mənə bildirdilər ki, hələlik yenilik yoxdur. Ola bilsin ki, Məhkəmə tərəfindən işə payızda baxılsın. Avropa Məhkəməsi artıq kompensasiyanın məbləği ilə bağlı yekun qərar verməlidir. Ermənistan tərəfi çox güman ki, öz xoşu ilə heç nə etməyəcək”.
F.Paşayev vurğulayıb ki, iş artıq Avropa Məhkəməsinin tam səlahiyyətinə keçib və 6 aydan 1 il müddətinədək yekun qərar veriləcək.
Qeyd edək ki, Avropa İnsan Haqları Məhkəməsi Böyük Palatasının azərbaycanlı məcburi köçkünlərin “Çıraqov və digərləri Ermənistana qarşı” adlı şikayəti üzrə müsbət qərar çıxardığı gündən (16 iyul 2015-ci il) xeyli vaxt keçir. Bu iş Ermənistanın Azərbaycantorpaqlarını işğal etməsi nəticəsində Laçından məcburi köçkün düşən 6 Azərbaycan vətəndaşının Ermənistan Respublikasına qarşı 2005-ci il aprelin 6-dakı iddiasına əsaslanır.
Avropa Məhkəməsi müəyyən edib ki, 12 ay ərzində vətəndaşlarımız cavabdeh dövlətlə kompensasiya məbləği ilə bağlı razılığa gəlməlidir. Əgər razılığa gəlməsələr, Avropa Məhkəməsi özü bu məsələyə baxıb qərar qəbul edəcək.
Aytən Zəhra
AzVision.az
Teqlər: Çıraqovlar Ermənistan