Heydər Əliyev Mərkəzində Ədalət Şükürovun konserti olub - Fotolar

Heydər Əliyev Mərkəzində Ədalət Şükürovun konserti olub - Fotolar
  14 Avqust 2017    Oxunub:2117
Heydər Əliyev Mərkəzinin parkında Azərbaycanın əməkdar artisti Ədalət Şükürovun solo konserti olub.
Mərkəzdən AzVision.az-a verilən məlumata görə, mərkəzin parkında yay mövsümündə ənənəvi olaraq təşkil edilən istirahət proqramları çərçivəsində şəhər sakinləri və qonaqlar ötən bazar günü axşamı Ə.Şükürovun repertuarından müxtəlif mahnıların sədaları altında dincəliblər.



İki saata yaxın davam edən konsert proqramında müğənni “Nə yaxşı ki, yanımdasan sən” yeni mahnısını da mərkəzin parkında dincələnlərə təqdim edib. O. konsertə toplaşan yüzlərlə tamaşaçı ilə həm də özünün ən böyük selfisini çəkdirib.



Beləliklə, isti yay günləri mərkəzin parkında daha bir həftəsonu proqramı ilə başa çatıb. Növbəti tədbirlər barədə məlumatları Mərkəzin Facebook və Instagram (@heydaraliyevcenter) səhifələrindən izləyə bilərsiniz. Mərkəzin parkındakı həftəsonu tədbirlərinə giriş sərbəstdir.

AzVision.az


Teqlər: Heydər-Əliyev-Mərkəzi  





Xəbər lenti


Azvision.az ©2014 | Bütün hüquqları qorunur