Ağdam klubu səfərdə Moldovanın “Şerif” komandası ilə qarşılaşıb.

“Qarabağ”ın start heyətində İbrahim Şehiç, Qara Qarayev, Maksim Medvedev, Rəşad Sadıqov, Bədavi Hüseynov, Riçard Almeyda, Miçel, Dino Ndlovu, Donald Qerye, Ansi Aqolli və Mahir Mədətov yer alıblar.
Tiraspol şəhərində “Şerif” stadionunda keçirilən oyunu İsraildən olan hakimlər briqadası idarə edib.

Azərbaycan çempionu səfərdə sərfəli nəticə əldə edəcəyi təqdirdə qitənin ən nüfuzlu klub turnirində “play-off” mərhələsinə vəsiqə qazanan ilk Azərbaycan klubu olacaq.



***

Oyunun ilk hissəsi Ağdam klubunun üstünlüyü ilə başa çatıb. Matçda ilk qolu “Qarabağ”ın futbolçusu Dino Ndlovu vurub.

***

Mişel 86-cı dəqiqədə vurduğu qolla "Qarabağ"ı hesabda önə çıxarıb. Oyun hazırda 0:2 Ağdam klubunun üstünlüyü ilə davam edir.

***

“Şerif”-“Qarabağ” oyunu başa çatıb. Qurban Qurbanovun yetirmələri səfər oyununda 2:1 hesabı ilə qalib gələrək iki oyunun nəticəsinə görə Çempionlar Liqasının “play-off” mərhələsinə yüksəlib.

AzVision.az