“Bugünə qədər 356 xəstəyə böyrək köçürülüb” - Mircəlal Kazımi

“Bugünə qədər 356 xəstəyə böyrək köçürülüb” - Mircəlal Kazımi
  20 İyul 2017    Oxunub:1811
“Azərbaycanda bu günə qədər 107 xəstəyə qaraciyər, 356 xəstəyə isə böyrək köçürülüb”.
AzVision.az xəbər verir ki, bunu Mərkəzi Neftçilər Xəstəxanasının Cərrahiyyə və Orqan Transplantasiyası şöbəsinin müdiri Mircəlal Kazımi keçirdiyi mətbuat konfransında deyib. Onun sözlərinə görə, xəstələrin xaricə üz tutması əsas problemlərdən biri olub:

“Əvvəllər bizim xəstələrin 40 faizi xaricə gedib qayıdanlar idisə, bu gün xəstələrin 95 faizi artıq xaricə getmir. Yerdə qalan insanların hansısa ölkəyə gedib müalicə almaq seçimi sərbəstdir”.

Şöbə müdiri qeyd edib ki, digər problem meyitlərdən orqan köçürülməsi işinin təşkil edilməsidir: “Bu hazırda bizim ölkəmizdə mümkün deyil. Azərbaycanda ancaq qohum donorların orqanlarından istifadə olunur. Hazırda bununla bağlı qanunvericiliyə dəyişikliklər edilməsi məsələsi müzakirə olunur”.

M. Kazımi onu da bildirib ki, orqan köçürülən 9 qadın xəstə dünyaya övlad gətirib.

Şəhanə Rəhimli
AzVision.az



Teqlər: Səhiyyə   böyrək  





Xəbər lenti