"Rus dilinə Ermənistanda rəsmi status verilsin" - Dumadan təklif

15:44   17 İyul 2017    Oxunub: 472

Rusiya Dövlət Dumasının spikeri Vyaçeslav Volodin Ermənistan hakimiyyətinə respublika qanunvericiliyində rus dili üçün rəsmi statusun verilməsini təklif edib.

AzVision.az TASS-a istinadən xəbər verir ki, Volodin qeyd edib ki, bu, milli sürücülük vəsiqələrinin Rusiya ərazisində tanınmasına yardım edəcək.

"Yalnız onu deyə bilərəm ki, rus dilini rəsmi dil olaraq qanunvericilikdə təsbit edin, o zaman qanun norması avtomatik Ermənistan Respublikasını da əhatə edəcək", - Volodin Ermənistan Milli Məclisinin sədri Ara Babloyan ilə görüşü zamanı bildirib.

Qeyd edək ki, 2017-ci il iyunun 1-dən Rusiyada xarici sürücülük vəsiqələri ilə sürücülərə ölkə ərazisində fəaliyyət göstərməyi qadağan edən qanun qüvvəyə minib.

Eldar Tanrıverdiyev
AzVision.az

Teqlər: Rusiya   Ermənistan    




Rubrikanın digər yazıları