“Rusiya XİN-in bəyanatları Bakıda anlaşılmazlığa səbəb olub” – Novruz Məmmədov

12:36   17 İyul 2017    Oxunub: 1397

Azərbaycan öz xarici siyasətində Rusiya federasiyasının maraqlarını nəzərə alır. Rəsmi Bakının Rusiya ilə əməkdaşlığı genişləndirilməsi, möhkəmləndirilməsinə dair planları var.

AzVision.az xəbər verir ki, bunu Azərbaycan Prezidentinin xarici siyasət məsələləri üzrə köməkçisi - şöbə müdiri Novruz Məmmədov “RİA Novosti” agentliyinə müsahibəsində deyib.

“Azərbaycan öz xarici siyasətində Rusiyada daxil olmaqla strateji tərəfdaşlarının maraqlarını nəzərə alır. Rusiya bizim 100 illərdir bağlılığımız olan bir ölkədir. Bu ölkə ilə çox yüksək səviyyədə əməkdaşlığımız var. Rusiya ilə əməkdaşlığımızı genişləndirmək, möhkəmləndirmək planlarımız var”.

Azərbaycan prezidentinin köməkçisinin sözlərinə görə, Rusiya Ali Məhkəməsi tərəfindən Ümumrusiya Azərbaycan Konqresinin ləğvi və Rusiya XİN-in Bakıya qarşı bir sıra sərt bəyanatları Azərbaycan paytaxtında anlaşılmazlığa səbəb olub.

Eldar Tanrıverdiyev
AzVision.az

Teqlər: Novruz-Məmmədov   Rusiya    




Rubrikanın digər yazıları